web counter
LEXO PA REKLAMA!

SHKARKO APP

App Store
Google Play

E fundit!

x

Vritet me armë zjarri shqiptari në Ekuador/ Ekzekutohet në makinë

10 Nëntor 2023, 20:04, Kronika CNA

Vritet me armë zjarri shqiptari në Ekuador/ Ekzekutohet në

Një shtetas me kombësi shqiptare është qëlluar me armë zjarri në automjetin e tij jashtë spitalit Luis Vernaza, në Guayaquil , rreth orës 20:30 të datës 9 nëntor 2023.

Sipas mediave të huaja, bëhet fjalë për shtetasin A.R,  rreth 53 vjeç, i cili shoqëronte bashkëshorten e tij pasi baba ii saj ishte i shtruar në atë spital.

Sipas informacioneve paraprake nga Policia Kombëtare, autorët ishin me një motoçikletë dhe kanë përdorur një armë zjarri të kalibrit 9 milimetra.

Ata tentuan ta shtronin me urgjencë në spitalin Luis Vernaza, por më pas u dërgua në klinikën Panamericana, ku ka ndërruar jetë si pasojë e plagëve të marra.

Më pas janë kryer procedurat mjeko-ligjore, si analiza e vendit të ngjarjes dhe transferimi i trupit në Laboratorin e Krimit. Në një version të shkurtër të marrë nga bashkëshortja e shtetasit shqiptar, ajo tha se i shoqi nuk punonte sepse ishte pa dokumente dhe se të afërmit i dërgonin para nga Shqipëria dhe Kanadaja. Ajo është shprehur për autoritetet se nuk e di arsyen pse mund të kenë qëlluar bashkëshortin e saj.

Kjo ngjarje ka ndodhur në të njëjtën ditë kur Dritan Rexhepi u arrestua në Turqi, lajmi për kapjen e tij u përhap më 10 nëntor. Subjekti njihet në Shqipëri si 'Chapo Guzmán' shqiptar, për shkak të arratisjeve që ka kryer.

Rexhepi kërkohet nga vendi i tij dhe nga Italia. Përveç kësaj, ai u largua nga Ekuadori, ku duhej të paraqitej periodikisht si pjesë e masave të para-lirimit për një dënim për trafik droge./ CNA





Lajmet e fundit nga