E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Mbante lidhjen mes porositësve dhe ekzekutorëve në vrasjet me pagesë / Artan Hoxha zbulon personin me nofkën “Totorino”

22 Nëntor 2023, 22:35, Kronika CNA

Mbante lidhjen mes porositësve dhe ekzekutorëve në vrasjet me

Gazetari investigativ Artan Hoxha ka folur për fillesën e hetimeve të operacionit të kryer nga SPAK ku janë lëshuar 11 urdhër-arreste dhe janë arrestuar Erzen Breçani, Dedan Gjoni dhe Bujar Germizi.

Pjesa e parë e hetimeve ka të bëjë me ngarkesën e kokainës ndërsa pjesa e dytë ka të bëjë me Shqipërinë ku del emri i Bujar Germizit i cili ishte interlekutori, kryesisht për ngjarje – porositje të vrasjeve me pagesë.

Hoxha flet dhe për një person me nofkën Totorino, i cili ishte njeriu që mbante kontakte me porositësit dhe ekzekutorët.

I ftuar ne "Opinion", Hoxha tha se SPAK mund ta ketë arrestuar por se ka bërë ende me dije këtë fakt.

“Fillesa e këtij hetimi është nga “Sky Ecc”, lidhja e personazheve, por në fakt kemi një hetim që ka nisur nga jashtë territorit të Shqipërisë, Hollandë, Gjermani, Brazil, ku dhe është kapur një ngarkesë. Mënyra si është paraqitur nga SPAK, të lë të kuptosh se ka të bëjnë me një organizatë që ka një sistem piramidë të organziuar, por në fakt nuk është tërësisht ashtu. Kemi pjesën e trafikut të kokainës që shkojnë diku tek 800 kg janë kapur në 3 ngarkesa. Ekskluzivitet i lëvizjeve që ka bërë Ervin Mata. 800 janë kapur në 3 ngarkesa dhe nga këto 800 janë ngarkesa që vijnë nga Brazili dhe nga Kolumbia, në Holandë dhe në Gjermani. Ky është trafik i bërë jashtë territorit të Shqipërisë.

Pjesa e dytë është pjesa e Shqipërisë që ka të bëjë kryesisht me Bujar Gërmizin, i cili është interlekutori, kryesisht për ngjarje – porositje të vrasjeve me pagesë. Nga këto çështje, dalin se kush do të goditej, pra 2 vëllezërit Nela që jetonin në Britani, një biznesmen në Lezhë, pra këta ishin persona për të cilët ishte porositur krimi, por në fakt nuk del se kush do ta bënte këtë gjë. Nëpërmjet kësaj çështje ka dalë një vrasje në Tropojë e Guxim Gjurishit e 5 Janarit 2020 dhe kryesisht, ish-pjesëtari i Forcave Speciale. Bujar Gërmizi ka shërbyer si njeriu që ka bërë lidhjen midis personave që kanë bërë porosinë dhe ekzekutorëve. Telefoni “Sky”, i cili komunikon me Bujar Gërmizin ka nofkën “Totorino”. Ky është njeriu që ka mbajtur kontaktin. Nuk e ka nxjerrë SPAK deri tani. Unë e di dhe besoj se SPAK e ka arrestuar. Ai e ka nofkën “Totorino” dhe ai është njeriu që komunikon me grupin e ekzekutorëve dhe me Bujar Gërmizin. Kjo është pjesa e Shqipërisë, vrasjet dhe konfliktet të brendshme që janë shtrirë dhe jashtë”, tha Hoxha. / CNA