web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet skema/ Merrnin makina me qira dhe i shisnin pas heqjes së GPS-it, një në pranga, në kërkim dy punonjës të DRSHTRR

26 Nëntor 2023, 11:40, Kronika CNA
Zbardhet skema/ Merrnin makina me qira dhe i shisnin pas heqjes së GPS-it,
Foto ilustruese

Një 37-vjeçar është arrestuar nga Policia në Elbasan, pasi shiste makina, të cilat i kishte marrë me qira.

Policia ka arrestuar Th. B., 37 vjeç, banues në Elbasan, ndërsa ka shpallur në kërkim dy punonjës të Drejtorisë së Transportit Rrugor të Elbasanit pasi dyshihet se në bashkëpunim me 37-vjeçarin, pasi merrnin makinat me qira, u hiqnin GPS-in dhe i nxirnin në shitje duke falsifikuar dokumentet e pronësisë mbi automjetet.

Në kërkim janë shpallur R. L., 25 vjeç dhe I. B., 33 vjeç, të dy banues në Elbasan, dhe punonjës të DRSHTRR Elbasan.

Në cilësinë e provës materiale policia ka sekuestruar 3 automjetet dhe 3 celularë.

Policia ka zbardhur skemën se si funksiononte shitja e makinave ku ka rezultuar se shtetasi Th. B. dhe shtetasi R. L. kanë marrë me qira 3 automjete dhe pasi i kanë hequr GPS-in dhe i kanë falsifikuar dokumentet mbi pronësinë dhe dokumentet e tjera, i kanë shitur kundrejt vlerës 20 000 euro.

Për falsifikimin e dokumenteve të automjeteve, shtetasi R. L. ka shpërdoruar detyrën në DRSHTRR Elbasan, në bashkëpunim me punonjësin tjetër, shtetasin I. B.

“Specialistët për Hetimin e Krimeve Ekonomike dhe Financiare të DVP Elbasan, në zbatim të masave të përcaktuara në planin operacional 'Sundimi i ligjit', për goditjen e veprimtarive kriminale dhe vënien përpara përgjegjësisë ligjore të shtetasve që i kryejnë ato, në drejtimin e Prokurorisë pranë Gjykatës së Shkallës së parë të Juridiksionit të Përgjithshëm Elbasan, bazuar në kallëzimin e bërë nga një shtetas që jepte automjete me qira, se i kishin marrë me qira 3 automjete dhe nuk ia kishin kthyer me, kanë organizuar dhe finalizuar operacionin policor të koduar 'Fraud', për zbardhjen e rastit”, - thuhet në njoftimin e policisë./CNA





Lajmet e fundit nga