web counter
LEXO PA REKLAMA!

SHKARKO APP

App Store
Google Play

E fundit!

x

Si u ekzekutua Martin Bardhi/ Autorët qëndruan një orë pranë komisariatit me fouristradë

29 Nëntor 2023, 21:10, Kronika CNA

 

Si u ekzekutua Martin Bardhi/ Autorët qëndruan një orë
Marjan Marku alias Martin Bardhi

 

Marjan Marku alias Martin Bardhi u ekzekutua mëngjesin e 26 shtatorit së bashku me 3 persona të tjerë, teksa ishte ulur në një kafene pranë qendrës së Rrëshenit dhe komisariatit të policisë.

Ashtu siç kemi parë të ndodhin në ngjarjet kriminale, pak minuta pas vrasjes u gjet një automjet i djegur.

Konkretisht u gjet një fouristradë e shkrumbuar plotësisht e markës ‘Jeep’ Grande Cherokee me targa të huaja, rreth 30 metra mbi rrugën e fshatit Gëziq.

“Në pjesën e përparme të makinës, dallohet një targë e djegur në sipërfaqen e saj, ku vërehen karakteret AB 139 EA, ndërsa targa e pasme është e djegur plotësisht, ku dallohen karakteret AB1”, thuhet në dosjen e prokurorisë.

Pavarësisht se autorë ishin kujdesur të mos lënë prova, në foruristradë u gjet një gëzhojë plumbi.

“Nga këqyrja e brendshme e automjetit, në hapësirën ndërmjet sediljes së pasme, u gjet një gëzhojë si ato model 56, kalibër 7.62 mm, e djegur plotësisht dhe pa kapsollë.  Në tapën e vajit u konstatua logo e ‘Mercedes-Benz’ dhe A6420101630, i njëjti numër u fiksua edhe te kapaku i bilancierëve. Nga kqyrja e mjetit në vendin e ngjarjes, nuk u arrit që të fiksohet numri i identifikimit (shasisë) së automjetit”, vijohet më tej.

Nga kontrolli, rezultoi se targat e makinës ishin të një mjeti tjetër dhe ishin raportuar të vjedhura nga pronari i tyre dy vite para se të ndodhte krimi.

“Pasi u verifikua targa e mjetit në sistemin E-Gjoba të Policisë së Shtetit, rezultoi këto targa i përkisnin automjetit ‘Volksëagen’ Golf TDI, në pronësi të shtetasit R. D. dhe ishin shpallur në kërkim si targë e vjedhur nga Komisariati i Policisë Krujë, më datë 31 Dhjetor 2021”, deklaron prokuroria.

Detaj interesant është fakti se fouristrada është filmuar nga kamerat e komisariatit të lëvizë në zonë në intervale të ndryshme kohore, përpara se të vriteshin me breshëri 4 persona.

Konkretisht ata kanë lëvizur pranë lokalit ku ndodhi krimi nga ora 9.36 minuta e mëngjesit deri në orën 10.39 dhe më pas vendosën të hapin zjarr.

“Nga këqyrja e kamerave të sigurisë së Komisariatit të Policisë Mirditë, është konstatuar se një automjet me të njëjtat karakteristika me atë të gjetur të djegur në fshatin Gëziq-Mirditë, fuoristradë, i markës ‘JEEP’, tipi Grand Cherokee, ngjyrë e errët, targat e së cilës nuk fiksohen, dhe po ashtu as personat brenda mjetit, kalon në rrugë përpara Komisariatit të Policisë Mirditë me drejtim lëvizje nga tregu në drejtim të lokalit të viktimës, në intervalet kohore 09.36; 10.18; 10.24 dhe 10.39, ku kjo e fundit përkon me kohën e ndodhjes së ngjarjes”, theksohet në dosje./ CNA





Lajmet e fundit nga