web counter
LEXO PA REKLAMA!

SHKARKO APP

App Store
Google Play

E fundit!

x

Krimi në Kosovë, i ngjashëm me atë të pilotit grek/ Vrasja e bashkëshorteve dhe tentativat për të fshehur krimin

1 Dhjetor 2023, 21:13, Kronika CNA

Krimi në Kosovë, i ngjashëm me atë të pilotit grek/

Opinioni publik është tronditur nga ngjarja në Kosovë, ku u vra Liridona Murseli. Dyshohet se vrasjen e ka porositur bashkëshorti i saj, Naim Murseli, ish-këshilltari i Behgjet Pacollit.

Ai tentoi të fshehë gjurmët e tij duke deklaruar se Liridona u vra nga një grabitës, i cili i ndaloi në rrugë kur po udhëtonin bashkë me fëmijët.

Ndërkohë, autori Granit Plava tha se ishte paguar 30 mijë euro nga bashkëshorti i viktimës për të kryer vrasjen.

Kjo ngjarje në Kosovë sjell në rikujtesë një krim të ngjashëm në Greqi, atë të pilotit Charalambos Anagnostopoulos.

Piloti grek vrau bashkëshorten e tij me origjinë britanike Caroline Krauts, në 11 maj të vitit 2021.

Si fillim Babis tha se ishin disa shqiptarë që iu futën në shtëpi për të grabitur dhe i kishin vrarë bashkëshorten, por më pas e vërteta nuk vonoi të dilte në shesh.

Ai tregoi me imtësi për veprimet të cilat iu desh të ndërmerrte për të mbuluar krimin.

Kur u gjet në vështirësi dhe përballë provave që e përfshinin në krim, ai pranoi se ishte autori I ngjarjes.

Piloti 32-vjeçar tha se gruaja e tij kishte vendosur të merrte fëmijën dhe ta linte. Babis rrëfeu se natën që ndodhi krimi humbi kontrollin pasi Caroline vuri fëmijën në krevat dhe i tha që të largohej, duke i kërkuar divorcin.

Ai përshkroi çdo gjë në detaje, se si i mbylli gojën dhe i vuri jastëkun sipër derisa i mori frymën dhe e la të pajetë.

Për të përforcuar idenë e një grabitjeje, Babis shkoi tek qeni dhe e mbyti me duart e tij.

Pas kësaj shkoi dhe theu kartën e memories së kamerave të sigurisë dhe e hodhi në tualet. Më vonë bëri një rrëmujë në shtëpi për të dhënë idenë e një grabitje dhe tregoi se si lidhi veten.

Për vrasjen e bashkëshortes ai u dënua me burgim të përjetshëm./ CNA





Lajmet e fundit nga