Urdhëroi vrasjen e bashkëshortes/ Si u përpoq të fshinte gjurmët ish-këshilltari i Pacollit

1 Dhjetor 2023, 20:37, Kronika CNA

Urdhëroi vrasjen e bashkëshortes/ Si u përpoq të fshinte

Ish-këshilltari i Behgjet Pacollit, Naim Murseli dhe Granit Plava u vunë në pranga sot për vrasjen e Liridona Murselit, e kryer 3 ditë më parë.

Murseli dyshohet se ka porositur vrasjen e bashkëshortes së tij te Granit Plava.

Për këtë ngjarje ka reaguar edhe Prokuroria e Prishtinës, e cila ka zbuluar detaje nga arrestimi.

Prokuroria thotë se Murseli dhe Plava u arrestuan në dy banesa të ndryshme, ndërsa është sekuestruar edhe arma e krimit.

Autori shokon me deklaratën/ Ish-këshilltari i Pacollit më dha 30 mijë euro t’i vrisja bashkëshorten
1 Dhjetor, 18:52

“Sipas urdhëresës së Prokurorit të Shtetit dhe me aprovim të gjyqtarit të procedurës paraprake, Njësiti i Hetimeve të Përgjithshme të Prishtinës, në kuadër të Policisë së Kosovës, kanë realizuar bastisje në dy lokacione në Gjakovë, me ç’rast nga ky aksion janë arrestuar personat G.P. (dorasi) dhe N.M. (bashkëshorti i viktimës), të dyshuar në vrasjen e viktimës, si dhe është sekuestruar arma e cila dyshohet të jetë përdorur në këtë rast.

Aktualisht, të dyshuarit janë duke u intervistuar në stacionin policor, derisa ndaj të njëjtëve prokuroria do t’i ndërmerr veprimet e mëtejme ligjore. Prokuroria në koordinim me policinë po vazhdon me ndërmarrjen e veprimeve hetimore lidhur me këtë rast”, thuhet në njoftim.

Tha se bashkëshorten ia vranë grabitësit/ Arrestohet Naim Murseli, ish-këshilltari i Pacollit
1 Dhjetor, 17:39

Ndërkohë, Ministria e Drejtësisë së Kosovës zbulon përpjekjet e ish-këshilltarit të Pacollit për të fshehur përfshirjen në krim.

Ministria deklaron se Naim Plava tentoi ta shiste ngjarjen si vrasje aksidentale gjatë një grabitjeje.

“Me punë intesive, angazhim dhe bashkëpunim ndërmjet policisë dhe prokurorisë, janë arrestuar dy persona të cilët dyshohen për vrasjen e gruas në Prishtinë. Njëri nga personat e arrestuar është bashkëshorti i të ndjerës Liridonës, i cili sipas dyshimeve ishte përpjekur ta fshihte krimin e rëndë duke thënë që ishin cak i një grabitje. Vlerësoj lartë angazhimin e policisë dhe prokurorisë për sqarimin e rrethanave që shpiejnë në zbardhjen e këtij krimi të rëndë që mori jetën e të ndjerës Liridonës. Ky krim nuk do të mbetet pa u ndëshkuar. Kriminelët do të përballen me drejtësinë”, thekson Ministria e Drejtësisë së Kosovës./ CNA