web counter
LEXO PA REKLAMA!

SHKARKO APP

App Store
Google Play

E fundit!

x

U ndalua për trafikim lëndësh narkotike/ Përjashtohet nga policia Stiljan Pasho

1 Dhjetor 2023, 19:54, Aktualitet CNA

U ndalua për trafikim lëndësh narkotike/ Përjashtohet nga

Këtë të premte është përjashtuar nga Policia e Shtetit Stiljan Pasho, Shefi i Sektorit të Kufirit, në Drejtorinë Vendore për Kufirin dhe Migracionin Korçë.

Pasho ndihmoi Lorenco Likën të transportonte drogë drejt Greqisë pa iu nënshtruar kontrollit kufitar në automjetin e tij.

Gjithashtu ai ka urdhëruar edhe vartësit e tij që të mos ushtrojnë kontroll.

Burime  thanë për CNA bëjnë Kryekomisari Pasho ka shoqëruar Lorenco Likën nga Shqipëria dhe ka kaluar me të edhe kufirin grek. 

Pasi kanë hyrë në tokën greke, shefi i policisë kufitare është larguar nga mjeti.

Në makinën që drejtohej nga Lorenco Lika u gjetën nga policia e shtetit fqinj 26 kilogramë me kanabis të papërpunuar.

Njoftimi i Policisë së Shtetit:

Drejtoria e Standardeve Profesionale në Policinë e Shtetit, pas hetimeve paraprake të kryera, i ka propozuar Drejtorit të Përgjithshëm të Policisë së Shtetit, i cili e ka miratuar menjëherë, përjashtimin e punonjësit të Policisë, Kryekomisar Stiljan Pasho, me detyrë Shef i Sektorit të Kufirit, në Drejtorinë Vendore për Kufirin dhe Migracionin Korçë.

Përjashtimi i menjëhershëm i tij u bë për shkelje të rëndë disiplinore të rregullores së Policisë së Shtetit, parashikuar nga neni 208 “Rastet e veprimeve korruptive”, pika 3 “Përdor pozitën e tij si punonjës i Policisë, për interesa private për vete ose për të tjerët’”, dhe nga neni 209 “Shkelja e rëndë e atributeve/kompetencave të Policisë”, pika 1 “Pa ndonjë arsye bindëse, nuk i përmbush apo dështon në përmbushjen e detyrave dhe përgjegjësive të caktuara, të cilat kanë shkaktuar pasoja të rënda në kryerjen e detyrave”.

Më datë 30.11.2023, Drejtoria Rajonale e AMP-së Elbasan–Korçë ndaloi punonjësin e Policisë Kryekomisar Stiljan Pasho, në kuadër të një procedimi penal të referuar nga Sektori i AMP-së, Korçë, për veprën “Trafikim i narkotikëve”.

Konkretisht, nga hetimet rezulton se Kryekomisar Stiljan Pasho, me veprime konkrete dhe të drejtperdrejta, si dhe duke përdorur detyrën e tij ne DVKM Korçë, në intervale të ndryshme, ka ndihmuar shtetasin L. L., të kalojë kufirin në PKK Kapshticë, pa iu nënshtruar kontrollit kufitar në automjetin e tij, dhe ka urdhëruar dhe vartësit e tij që të mos ushtrojnë kontroll.

Policia e Shteti mbetet e vendosur që në bashkëpunim me agjencitë ligjzbatuese dhe me qytetarët, të largojë nga rradhët e saj, cilindo punonjës policie që abuzon me detyrën apo përfshihet në veprimtari kriminale./ CNA





Lajmet e fundit nga