web counter
LEXO PA REKLAMA!

SHKARKO APP

App Store
Google Play

E fundit!

x

Projekti Qukës-Qafë Plloçë/ Balluku: Po punohet me ritme të larta, do të përfundojë brenda afatit

1 Dhjetor 2023, 14:45, Aktualitet CNA
Projekti Qukës-Qafë Plloçë/ Balluku: Po punohet me ritme
Belinda Balluku

Zëvendëskryeministrja, njëherësh dhe ministrja e Infrastrukturës dhe Energjetikës, Belinda Balluku, ka inspektuar punimet në lotin 4 të Unazës së Madhe të Tiranës, ku po punohet për ngritjen e viaduktit, një nga veprat më të rëndësishme në këtë lot.

Balluku zbulon se projekti e trajton këtë zonë edhe me elementët urbane. Ministrja tha se koncepti i këtij projekti është urbanizimi i zonave të banuara, jo vetëm me gjelbërim dhe ndriçim, por edhe me rrugë.

Ndër të tjera, zëvendëskryeministri foli edhe për aksin Qukës-Qafë Plloçë, ku thekson se po vazhdohet të punohet me ritme të larta, edhe pse ky aks është një sfidë e madhe për shkak se në këtë stinë prej motit ekstrem, ritmi i punimeve do të ulet, por ajo nënvizoi se të gjitha kontratat do të përfundojnë para afateve të caktuara.

“Nuk kemi asnjë kontratë jashtë afatit. Ngelet një sfidë e madhe për ne rruga Qukës-Qafë Plloçë, e cila me financimin e marrë aty po ecet me shpejtësi. Gjatë stinës së dimrit ritmi ulet në atë zonë për shkak të motit ekstrem që ka Pogradeci. Të gjitha kontratat janë në afatet e tyre”, tha ministrja./ CNA





Lajmet e fundit nga