web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet ish-drejtori i burgut të Fushë-Krujës/ E denoncoi bashkëshortja për dhunë

3 Dhjetor 2023, 08:26, Kronika CNA

Arrestohet ish-drejtori i burgut të Fushë-Krujës/ E denoncoi

Policia e Pogradecit ka arrestuar mbrëmjen e djeshme Durim Toskën, ish-drejtorin e burgut të Fushë-Krujës.

CNA mëson se arrestimi i Toskës ka ardhur pas një kallëzimi të bërë nga bashkëshortja e Toskës në polici për dhunë.

Si rrjedhojë, ish-drejtori i burgut është vënë në pranga për dhunë në familje. Ndaj tij rëndon edhe akuza e armëmbajtjes pa leje, pasi gjatë kontrollit në banesë i është gjetur edhe armë zjarri.

“Pogradec/Ushtroi dhunë ndaj bashkëshortes së tij dhe posedonte në banesë armë zjarri me municion pa leje, vihet në pranga 52-vjeçari.

Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin D. T., 52 vjeç, banues në fshatin Piskupat, Pogradec, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje. Gjatë kontrollit të ushtruar në banesën e tij iu gjet një armë zjarri tip pistoletë me municion luftarak, të cilën 52-vjeçari e posedonte pa leje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, thuhet në njoftimin e policisë.

Arrestohet ish-drejtori i burgut të Fushë-Krujës/ E denoncoi

Kujtojmë se ditën e djeshme Ministria e Drejtësisë njoftoi shkakimin e Toskës nga posti i drejtorit të burgut të Fushë-Krujës.

Shkarkimi ishte kryer me urdhër të ministrit Ulsi Manja.

“Njoftim në lidhje me shkarkimin e Drejtorit të Institucionit të Ekzekutimit të Veprave Penale në Fushë-Krujë!

Ministri i Drejtësisë, z. Ulsi Manja, ka ndërmarë këtë hap, pas propozimit të Drejtorit të Përgjithshëm të Burgjeve, duke e bazuar vendimin në kritere etike dhe ligjore të cënuara nga z. Durim Toska.

Vendimi vjen në përshtatje me objektivat e Ministrisë së Drejtësisë dhe Drejtorisë së Përgjithshme të Burgjeve për përmirësimin e efikasitetit dhe integritetit në sistemin e drejtësisë.

Ministri Manja shpreh besimin në vazhdimin e punës dhe angazhimin për të siguruar një administratë të fuqishme dhe të drejtë”, njoftoi Ministria e Drejtësisë.

Më parë, Toska ka drejtuar edhe burgun e Drenovës, si dhe ka qenë kryetar i Komunës Hudenisht në Qarkun e Pogradecit./ CNA





Lajmet e fundit nga