web counter
LEXO PA REKLAMA!

SHKARKO APP

App Store
Google Play

“Kanë shkatërruar në themel Shëndetësinë”/ Erion Dasho: Rama ka hyrë në histori si hajdut

2 Dhjetor 2023, 11:39, Aktualitet CNA
“Kanë shkatërruar në themel
Mjeku Erion Dasho

Mjeku Erion Dasho në fjalën e tij në Kuvendin Kombëtar të PD-së, ka deklaruar se kryeministri Edi Rama po e degradon imazhin e Shqipërisë kudo në botë.

Dasho theksoi se Rama ka kapur çdo pushtet dhe është kthyer në diktator. Mjeku Erion Dasho është shprehur se kjo qeveri e ka shkatërruar shëndetësinë në themel, ku vetëm gjatë pandemisë u kanë marrë nga xhepat shqiptarëve 500 milionë euro për t’ua dhënë oligarkëve. Një koment ka patur dhe për buxhetin e vitit 2024, ku thekson se shqiptarëve po u vidhen sërish 60 milionë euro nga paratë për shëndetësinë.

Në fund të fjalës së tij, Dasho shton se Rama ka hyrë në histori si hajdut.

“Sot kemi rrjetin e spiunëve dhe patronazhistët që kontrollojnë jetën e shiqptarëve. Kemi votën që vidhet dhe grabitet. Në vend të Kosovës së pavaruar,  kemi një qeveri që ka ngrirë marrëdhënien me gjysmën tjetër të popullit, kemi traun që ndan popullin shqiptar.

Rama e degardon imazhin e Shqipërisë në të gjithë botën. Ky individ ka kapur çdo pushtet . Më vjen keq që ky individ është kthyer në diktator. Diktatorët bëhen diktatorë kur lejohet por dalin siç janë në të vërtetë kur luftohet kundër tyre dhe ka qëndresë. Në Shqipëria ka revoltë dhe kjo duhet kanalizuar.

E kanë shkatërruar shëndetësinë në themel. E pamë këtë gjatë pandemisë, ku lanë të vdisnin 20 mijë njerëz.

500 milionë euro u kanë marrë shëndetësisë dhe shqiptarëve për tua dhënë oligarkëve.

Në buxhetin 4 minutësh po u vidhen 60 milionë euro nga paret e shëndetësisë.  

Rama ka hyrë në histori si hajdut”, tha mjeku Erion Dasho./ CNA





Lajmet e fundit nga