web counter
LEXO PA REKLAMA!

SHKARKO APP

App Store
Google Play

“Mirush Kabashi kishte 2 armë të fuqishme”/ Miku i ngushtë: Sëmundja e dobësoi, nuk donte ta besonte  

5 Dhjetor 2023, 16:12, Aktualitet CNA
“Mirush Kabashi kishte 2 armë të fuqishme”/ Miku i
Mirush Kabashi

Aktori Alfred Bualoti ka folur për figurën e aktorit të madh Mirush Kabashi. Në një intervistë ai u shpreh se Mirushi ishte i fortë por, betejën e fundit nuk e fitoi dot.

Sipas tij ky aktor i madh kishte dy armë të fuqishme, punën e disiplinën dhe armën e talentit.

Ai thotë se Kuteli arriti të tregonte forcën dhe simpatinë në fushën që përfaqësoi.

“Mirushi ishte i fortë por këtë betejën e fundit nuk e fitoi dot. Ishte sëmundje e rëndë dhe e dobësoi shumë nga fuqitë. Nuk donte ta besonte, as ne nuk donim por kështu ishte. Mirushi është artist shumë i madh, i shquar dhe i talentuar boll. Kishte dy armë të fuqishme, punën dhe disiplinën dhe armën e talentit. Unë kam qenë me Mirushin në shumë skena të Europës, në Paris, Beograd, Athinë dhe Kiev. Do përmend dy momente. Momenti i parë ka qenë në festivalin e Kievit ku Mirushi mori vlerësimin e parë dhe portreti i tij u vendos në kartën telefonik në Kiev në shenjë nderimi. Ishte e jashtëzakonshme.

Momenti i dytë ishte në Beograd, po ecnim pas shfaqjes dhe u futëm në oborrin e kështjellës së Beogradit. Përballë nesh një zotëri me kapele republike hoqi kapelen dhe u përul para Mirushit dhe iku prapë. Mirushi ngeli. Ai kishte qenë një spektator i shfaqjes një ditë më parë. Këto momente tregojnë, forcën dhe simpatinë që krijonte Mirushi te spektatorët”, u shpreh Alfred Bualoti./ CNA

Aktori i mirënjohur, Mirush Kabashi, ka ndërruar jetë në moshën 75-vjeçare.

Familjarët e artistit kanë konfirmuar lajmin, duke bërë të ditur se Mirush Kabashi iku nga kjo botë në orët e para të mëngjesit të sotëm. Aktori shumë i dashur nga publiku vuante prej disa kohësh nga një sëmundje e rëndë.

Mirush Kabashi mban titullin "Artist i Merituar". Ai është cilësuar si një nga interpretuesit më të mëdhenj të poezisë. Ai ishte aktor i rreth 100 roleve, në teatër dhe filma.





Lajmet e fundit nga