web counter
LEXO PA REKLAMA!

SHKARKO APP

App Store
Google Play

"E kisha shok"/ Rrëfehet vajza e Mirush Kabashit, tregon lidhjen me të atin: E donte skenën deri në fund

6 Dhjetor 2023, 12:25, Aktualitet CNA
"E kisha shok"/ Rrëfehet vajza e Mirush Kabashit, tregon lidhjen
Mirush Kabashi

“E donte shumë jetën. Deri në fund e deshti shumë!" Kështu është shprehur vajza e aktorit të njohur Mirush Kabashi në një intervistë televizive, teksa zhvillohen homazhe në nder të artistit të njohur. 

“Publikun e donte me gjithë zemër. I vlerësonte shumë njerëzit dhe iu dha 100% artit. Madje kishim dhe debate për këtë. Sidomos pas sëmundjes për 5 vite që e luftoi shumë fort, vijonte të dilte në skenë. Mirushi nuk ka dashur kurrë të bëhet bajat. Përzgjidhte skenat ku do të intepretonte me parimet e vlerat e tij. Një njeri që do të na mungojë të gjithëve, na ka lënë pasuri të madhe”, u shpreh ajo. 

Sa i përket pyetjes se si ishte Mirush Kabashi si baba, ajo u përgjigj: "Mirushi nuk ishte i kafeneve as i lokaleve. Ishte me Lolën (bashkëshorten) përkrah duke bërë ecje. Qeshte me sy e fliste me zemër. Mësonte dhe na mësonte. Ishte i hapur për biseda. Unë e kam pasur shumë shok e baba. Do më mungojnë pafundësisht bisedat e tij. Të dëgjonte. Njerëzit sot kanë harruar të dëgjojnë". 

Ditën e sotme në Muzeun Historik Kombëtar po mbahen homazhet për aktorin e njohur Mirush Kabashi, i cili u nda nga jeta dje në moshën 75-vjeçare./CNA

 

 





Lajmet e fundit nga