web counter
LEXO PA REKLAMA!

SHKARKO APP

App Store
Google Play

E fundit!

x

“Luftë për të vërtetën”/ Mediu nxjerr dokumentin: Si u kërkua penalizimi i shkelësve të ligjit në Gërdec

14 Dhjetor 2023, 17:33, Aktualitet CNA
“Luftë për të vërtetën”/ Mediu nxjerr
Ish-ministri Fatmir Mediu

Ish-ministri Fatmir Mediu ka reaguar në rrjetet e tij sociale pas seancës së sotme të mbajtur në GJKKO për Gërdecin.

Ai kërkon luftë për të vërtetën dhe jo lojrat politike me gjyqin për Gërdecin.

Mediu ndu në rrjetet sociale dokumentin zyrtar ku  tregohet se është kërkuar penalizimi i shkelësve të ligjit në Gërdec.

Ish-ministri shkruan se dhe sot u provua se s’ka bërë asgjë tjetër vetëm detyrën si Ministër i Mbrojtjes.

Postimi i plotë:

Luftë për të vërtetën dhe jo lojrat politike me gjyqin për Gërdecin

• Dokumenti zyrtar/Si u kërkua penalizimi i shkelësve të ligjit në Gërdec.

Edhe sot u provua se skam bërë asgjë tjetër vetëm detyrën si Ministër i Mbrojtjes, në zbatim të detyrave ligjore dhe detyrimeve ndërkombëtare nga NATO dhe BE.

Pos sot në seancën gjyqësore për çështjen e Gërdecit prezantova të vetmin dokument ekzistues, ku i vihet në dukje një paligjshmëri në Gërdec. Dokumenti tregon qartë dhe pa asnjë ekuivok se kam reaguar menjëherë, pavarësisht se sinjalizimi vinte si një raportim rutinë nga Policia Ushtarake, që sinjaloznte për një ndërtim të paligjshëm në Gerdec.

Reagimi im, siç tregohet në dokument, ka qenë i menjëhershëm dhe në respekt të plotë të ligjit. Për ata që nuk e lexojnë dot, shënimi me shkrim është i imi dhe ua drejtoj porosinë si strukturave civile dhe atyre ushtarake të Ministrisë së Mbrojtjes. Në shënim kam shkruar në atë kohë: “Të bëhet një urdhër për komandantët, bazuar në rastet e mësipërme për ndëshkim administrativ dhe penal të personave përgjegjës”.

Dokumenti provon se pretendimi i SPAK-ut për shpërdorim detyre nga ana ime për çështjen e Gërdecit nuk qendron dot në këmbë. Me bindjen se jo vetëm nuk kam shpërdoruar detyrën, por në të vetmin rast, kur më është përcjellë një shqetësim për Gërdecin, kam kërkuar ndjekje penale për kundravajtësit, ju ftoj të konsultoni dokumentat që paraqita sot në procesin farsë kundër meje./ CNA





Lajmet e fundit nga