web counter
LEXO PA REKLAMA!

SHKARKO APP

App Store
Google Play

Kryetarja e Gjykatës Kushtetuese tregon kur do të merret vendimi për marrëveshjen Rama-Meloni

14 Dhjetor 2023, 16:07, Aktualitet CNA

Kryetarja e Gjykatës Kushtetuese tregon kur do të merret vendimi

Kryetarja e Gjykatës Kushtetuese, Holta Zaçaj, ka dhënë një deklaratë për gazetën italiane, "Corriere della Sera" ku ka folur për vendimin e Gjykatës Kushtetuese për pezullimin e marrëveshjes Shqipëri-Itali për emigrantët.

Zaçaj tha se procesi që çon në ratifikimin e marrëveshjes është pezulluar pasi mbi një e katërta e deputetëve shqiptarë na kanë kërkuar të kontrollojmë kushtetutshmërinë.

“Procesi që çon në ratifikimin e marrëveshjes është pezulluar pasi mbi një e katërta e deputetëve shqiptarë na kanë kërkuar të kontrollojmë kushtetutshmërinë ose jo të protokollit të nënshkruar mes dy vendeve. Ne kemi vlerësuar se ankesa i plotëson kriteret e pranueshmërisë dhe sipas rregullores sonë kjo sjell automatikisht ndërprerjen e procedurave parlamentare për ratifikimin. Por dua të sqaroj: ne nuk kemi hyrë në brendësi të protokollit të nënshkruar”.

Ajo tregoi se çfarë kontestojnë tridhjetë deputetët që kanë bërë kërkesën për shqyrtim dhe ku konsistojnë pikat për të cilën ka nevojë për përmirësim.

“Në thelb dy aspekte. E para: mosrespektimi i pretenduar i procedurës së negociatave dhe nënshkrimit. Sipas tyre, kjo lloj marrëveshje ka nevojë për autorizimin e presidentit pasi prek çështje territoriale. Shkurt, për ta nuk mund të jetë një marrëveshje mes qeverive, por mes shteteve”.

Sipas Kryetares së Gjykatës Kushtetuese, do të duhen tre muaj për të marrë vendimin pas paraqitjes së dokumenteve.

“Na kërkohet një gjë e tillë, duhet të shqyrtojmë në detaje protokollin për ato dy pika të ngritura nga një e katërta e Kuvendit të Shqipërisë. Por e përsëris prapë: ne nuk kemi hyrë vërtet në këtë çështje. Dy palët do të duhet të dërgojnë dokumentacionin brenda datës 4 janar 2024. Dhe nga dita e ankimimit (6 dhjetor 2023) kemi maksimumi tre muaj për të marrë vendim. Në rastin konkret do të thotë se deri më 6 mars 2024, Gjykata duhet të thotë nëse marrëveshja është legjitime apo jo”./ CNA





Lajmet e fundit nga