Gjykata rrëzon padinë e Mariglen Qatos/ Këlliçi nuk bën hapa pas, shkresë Dumanit

14 Dhjetor 2023, 14:15, Aktualitet CNA

Gjykata rrëzon padinë e Mariglen Qatos/ Këlliçi nuk

Belind Kellici

Ish-deputeti dhe anëtari i Kryesisë së PD-së, Belind Këlliçi, ka bërë me dije se sot Gjykata Penale e Tiranës ka rrëzuar padinë e Mariglen Qatos ndaj tij.

Përmes një reagimi në rrjetet sociale, Këlliçi shprehet se pavarësisht se i kishte bërë padi, Qato nuk është paraqitur asnjëherë për t'u përballur me të në sallën e gjyqit.

Ish-deputeti e ka bërë të qartë se paditë e montuara politikisht nuk do stepin opozitën.

“Sot Gjykata Penale e Tiranës rrëzoi pseudopadinë e një prej hajdutëve kryesorë në Bashkinë Tiranë, famozit Mariglen Qato, i cili nuk erdhi asnjëherë për t'u përballur në sallën e gjyqit edhe pse më kishte paditur ai.

Ky shtetas njihet si një ndër drejtorët më të korruptuar në këto 30 vite në bashkinë e kryeqytetit dhe një ndër aktorët dhe përfituesit kryesorë të vjedhjes nëpërmjet kompanisë së famshme 5D të 5 drejtoreve që Erion Veliaj strehon në Bashkinë e Tiranës.

Nëse me këto padi të montuara politikisht, këta individë mendojnë se do e stepin opozitën, u them hapur se e kanë shumë gabim”, shkruan Këlliçi.

Pas bërjes publike të lajmit, Këlliçi zbulon dhe shkresat që i ka dërguar kreut të SPAK-ut, Altin Dumani, në lidhje me kallëzimin që ka bërë për kompaninë 5D Construction, 7 muaj më parë, për të mësuar stadin ku ndodhet kallëzim penal që ka firmosur.

“Sot sapo firmosa këtë kërkesë për informacion, drejtuar Z. Altin Dumani, si drejtues i SPAK, për t'i kërkuar informacion mbi stadin ku ndodhet kallëzimi penal që unë kam firmosur për kompaninë 5D, plot 7 muaj më pare”, vijon më tej Këlliçi.

Po ashtu bën me dije se një tjetër padi kundër tij për shpifje është rrëzuar nga Gjykata Civile e Tiranës e bërë nga Fatmir Çibaku.

“Ndërkohë vetëm dy ditë më parë, Gjykata Civile e Tiranës rrëzoi gjithashtu një tjetër padi për shpifje ndaj meje, të një drejtori të dëshpëruar rilindas, i quajtur Fatmir Çibaku, të cilin e kisha denoncuar gjatë fushatës zgjedhore të vitit 2021, në zonën e ish Kombinatit”, përfundon reagimin e tij Këlliçi./ CNA

Gjykata rrëzon padinë e Mariglen Qatos/ Këlliçi nuk