web counter
LEXO PA REKLAMA!

SHKARKO APP

App Store
Google Play

E fundit!

x

Mazhoranca voton në 8 minuta rregulloren e re të Kuvendit/ Bardhi: Do ta çojmë në Kushtetuese

14 Dhjetor 2023, 11:17, Aktualitet CNA
Mazhoranca voton në 8 minuta rregulloren e re të Kuvendit/ Bardhi: Do
Kreu i grupit parlamentar të PD-së, Gazment Bardhi

Kreu i grupit parlamentar të PD-së, Gazment Bardhi, ka deklaruar se nuk e njeh ndryshimin e rregullores së Kuvendit të miratuar sot nga mazhoranca në 8 minuta e gjysmë seancë mes tymueseve dhe tensioneve, pa asnjë diskutim.

Ai u shpreh para mediave se këtë vendim do ta dërgojnë në Gjykatën Kushtetuese.

“Sot në një atentat të vërtetë ndaj pluralizmit, në mënyrë të njëanshme është ndryshuar seti i rregullave që garanton bashkëjetesën mes palëve politike në Kuvendin e Shqipërisë, në ndryshime që bien ndesh në mënyrë flagrante me Kushtetutën e Shqipërisë.

Për pasojë, vendimi i sotëm për pezullimin pa asnjë shkak kushtetues të mandatit të deputetëve të opozitës, do dërgohet për shqyrtim në Gjykatën Kushtetuese.

Ne nuk e njohim këtë ndryshim të njëanshëm, të dhunshëm, të rregullores së parlamentit, për pasojë përveç ndjekjes së rrugës institucionale, nuk do t’u bindemi atyre rregullave për të cilat nuk kemi rënë dakord si rregulla të bashkëjetesës sonë në sallën e parlamentit,” tha Bardhi./ CNA





Lajmet e fundit nga