web counter
LEXO PA REKLAMA!

SHKARKO APP

App Store
Google Play

SPAK, hetime për mediat/ Merret në pyetje gazetari

13 Dhjetor 2023, 20:11, Aktualitet CNA
SPAK, hetime për mediat/ Merret në pyetje gazetari
SPAK

CNA ka denoncuar prej disa ditësh se disa media po hetohen nga Pokuroria e Posaçme për Korrupsionin dhe Krimin e Organizuar.

Shumë media janë përfshirë në korrupsion apo afera të qeverisë dhe dosja më e madhe që “zhyt” gazetarët është ajo e inceneratorëve.

Por në SPAK, apo edhe në prokurori të tjera ka hetime për njerëz të medias në lidhje me tendera e përfitime.

Janë disa dosje dhe disa personazhe mediatike nën hetim për korrupsion, bashkëpunim me krimin, fshehje të së vërtetës dhe shtrëngim për dhënie pasurie.

Teksa po vijojnë hetimet, SPAK ka nisur të marrë në pyetje gazetarët.

Këtë të mërkurë, gazetari Arsen Rusta ka bërë me dije SPAK ka thirrur Elton Qynon për një dosje nën hetim nga prokurori Behar Dibra.

“Spak prej 7 orësh po merr në pyetje një Koleg gazetar

Elton Qynon

Spak po heton disa media për afera korrupsioni

Një gjë duhet ndarë mirë, gazetari ska detyrim ligjorë të tregojë burimin, e saksionuar në Kushtetutë vetëm kur cënohet siguria kombëtare! Por e kjo me kusht.

Nqs keni prova për afera, korrupsion e çdo krim nga media e gazetari Jepni drejtim dhe Bravo Spak. Por sdo lirohesh po stregove burimin! Kjo jo nuk ndodh.

Më mirë burgun se me tregu burimin!”, shkruan Rusta në rrjetet sociale.

Qyno është gazetar tek “Ora News”, media e konfiskuar nga gjykata, e cila ka qenë në pronësi të Xhemail Pasmaçiut alias Ylli Ndoqi. Ky i fundit është akuzuar se ka vënë pasurinë nëpërmjet trafikut të drogës.

SPAK pritet të thërrasë edhe të tjerë gazetarë për përfitimet e tyre nga afera e inceneratorëve./ CNA





Lajmet e fundit nga