web counter
LEXO PA REKLAMA!

SHKARKO APP

App Store
Google Play

E fundit!

x

Rikthehen dëbora dhe ngricat/ I ftohti pritet të "paralizojë" vendin

13 Dhjetor 2023, 13:56, Aktualitet CNA
Rikthehen dëbora dhe ngricat/ I ftohti pritet të
Foto ilustruese

Duke filluar nga mbrëmja e së mërkurës, do të ketë një ulje të temperaturave.  Meteorologia Lajda Porja bën me dije se dita e enjte do të ketë rrebeshe intensive shiu në ultësirën perëndimore pothuajse gjatë gjithë ditës.

“Sot edhe pse temperaturat janë 19 gradë, vranësirat janë prezente ka dhe lagjështirë. Megjithatë sonte në mbrëmje presim zhvillim të vranësirave, do të kemi reshje që do të fillojnë ne veri, veriperëndim, dhe gradualisht do të përfshijnë të gjithë territorin. Madje dita e enjte të jetë me reshje intensive, rrebeshe, madje në ultësirën perëndimore, pothuajse gjithë ditës”, tha Porja për "Euronews Albania".

Sa u takon temperaturave, do të ketë një rënie drastike të tyre, të cilat do të arrijnë deri në -5 gradë, ku reshjet e dëborës nuk do të mungojnë në zonat malore. 

“Mbrëmjen e së enjtes dhe dita e premte do të kenë një rënie të temperatruave dhe në mëngjes kjo do të sjellë reshje të dëborës në zonat malore. Të premten do të kemi rënie duke bërë që dhe fundjava të ketë -5, -6 gradë celcius në zonat verilindore dhe maksimalet nga 19 sot do të jenë jo më shumë se 12 gradë”, tha Porja.

Sipas meteorologes, era do të shkojë deri në 80 km në orë, në det të hapur./CNA





Lajmet e fundit nga