web counter
LEXO PA REKLAMA!

SHKARKO APP

App Store
Google Play

E fundit!

x

“Ngrite nga themeli të gjitha arritjet”/ Kryediplomatja bullgare vlerëson rolin e lartë të Majlinda Bregut

13 Dhjetor 2023, 11:40, Aktualitet CNA
“Ngrite nga themeli të gjitha arritjet”/ Kryediplomatja
Majlinda Bregu dhe Maria Gabriel

Këshilli i Bashkëpunimit Rajonal, zëvendëskryeministrja dhe ministrja e Jashtme e Bullgarisë, Maria Gabriel, në ceremoninë e shpalljes së fituesve të Çmimit Rajonal të Inovacionit “Butterfly 2023”, ka vlerësuar rolin e lartë të Sekretares së Përgjithshme të RCC-së, Majlinda Bregu.

“Po Majlinda, ngrite nga themeli të gjitha këto arritje që sot po i festojmë. Dhe me të vërtetë mendoj se është e rëndësishme të përmendet kjo fjalë kyçe: arritjet. Sepse, pas tyre ka shumë punë, shumë bashkëpunim dhe kjo për mua është puna jonë e përbashkët me Majlindën. Nisëm shumë vite më parë duke thënë se inovacionet janë shtytësi kryesor për të treguar më të mirën e rajonit tonë. Ky është rajoni ynë dhe besojmë se ka një energji të madhe për të zhbllokuar potencialet. Llogarisim në talente, novatorizmin, bashkëpunimin dhe diversitetin e rajonit tonë dhe të kulturave tona për të zhbllokuar këtë potencial,” tha para të pranishmëve kryediplomatja bullgare.

Nga ana tjetër, Bregu ka deklaruar se për të përmbushur premtimin e mekanizmave të inteligjencës artificiale, sot edhe politikat duhet të jenë të zgjuara.

Ajo thekson se si pjesë e Planit të ri të BE-së të Rritjes për Ballkanin Perëndimor, së shpejti do të nisë një parapërshpejtues rajonal i fokusuar në teknologjinë e thellë.

Po ashtu Bregu nënvizoi se synon që një segment i kësaj nisme të mbështesë ekipet e inovacionit në fazat e hershme përtej teknologjisë së thellë.

“Investimi në Kërkim dhe Zhvillim (R&D) në rajonin tonë mbetet mjaft i ulët – më pak se 1% e PPB-së, ndërsa në BE kjo shifër është 2.3%. Për të përmbushur premtimin e mekanizmave të inteligjencës artificiale, sot edhe politikat duhet të jenë të zgjuara. Si pjesë e Planit të ri- të BE-së- të Rritjes për Ballkanin Perëndimor, së shpejti do të nisë një parapërshpejtues rajonal i fokusuar në teknologjinë e thellë (deep-tech). Jemi të kënaqur të shohim që përpjekjet tona po japin fryte. Po synojmë, gjithashtu, që një segment i kësaj nisme të mbështesë ekipet e inovacionit në fazat e hershme përtej teknologjisë së thellë,” tha Majlinda Bregu.

Fituesit e gjashtë kategorive të çmimit të RCC-së “Butterfly 2023” janë:

Në kategorinë Çmimi i Inovacionit të Industrisë: Ekipi AgAR, nga Serbia, për një mjet autonom bujqësor robotik pa pilot në tokë për të ripërcaktuar peizazhin e bujqësisë.

Në kategorinë Gruaja Inovative: Team Kungul, nga Shqipëria, për një aplikacion celular që ofron informacione thelbësore mbi kancerogjenët e mundshëm, alergjenët dhe kimikatet e dëmshme në kozmetikë dhe ofron alternativa të shëndetshme.

Në kategorinë Çmimi i Inovacionit të Gjelbër: Ekipi Power Wheel nga Maqedonia e Veriut, për rrotat e fuqisë që përdorin lëvizjen rrotulluese të bagazheve, karrocave të blerjeve, shtretërve spitalorë dhe karrocave për fëmijë për të karikuar pajisjet elektronike.

Në kategorinë çmimi i inovacionit STEM: Ekipi malazez Flourish, për një trajner digjital të fokusuar në zhvillimin e përballueshëm të inteligjencës emocionale, duke përdorur ushtrime interaktive, të personalizuara dhe në formë lojërash për të rritur inteligjencën emocionale.

Në kategorinë Çmimi Inovacioni Universitar: Ekipi Kosovar Robotic Hand për dorën robotike vendimtare për protetikën funksionale.

Në kategorinë e të rinjve: Team QManager nga Bosnja dhe Hercegovina për një sistem të menaxhimit të radhëve të krijuara për rritjen e efikasitetit nëpër zyra të ndryshme administrative, duke përfshirë bankat, qendrat e administratës së qytetit dhe qendrat e shërbimit./ CNA





Lajmet e fundit nga