web counter
LEXO PA REKLAMA!

SHKARKO APP

App Store
Google Play

Tronditet Venezuela/ Dy tërmete të fuqishme godasin vendin, 32 viktima dhe mbi 700 të plagosur

25 Qershor 2026, 07:30, Kosova & Bota CNA

Tronditet Venezuela/ Dy tërmete të fuqishme godasin vendin, 32 viktima

Dy tërmete të fuqishme me magnitudë 7.2 dhe 7.5 ballë të shkallës Rihter kanë goditur Venezuelën të mërkurën në mbrëmje, duke shkaktuar viktima, dëme të mëdha materiale dhe shembje ndërtesash.

Bilanci i viktimave nga dy tërmetet e fuqishme raportohet se është 32 të vdekur dhe mbi 700 të plagosur, ndërsa ekipet e shpëtimit vazhdojnë kërkimet mes rrënojave të ndërtesave të shembura.

Epiqendsa e tërmeteve ishte pranë qytetit bregdetar Moron, rreth 168 kilometra në perëndim të kryeqytetit Karakas. Tërmeti i dytë ndodhi vetëm 39 sekonda pas të parit, një fenomen i rrallë që ekspertët e quajnë “doublet seismic event”.

Presidentja e përkohshme Delcy Rodriguez shpalli gjendjen e jashtëzakonshme dhe bëri thirrje për qetësi kombëtare. Ajo konfirmoi se Aeroporti Ndërkombëtar Simon Bolivar është mbyllur për shkak të dëmtimeve të rënda, ndërsa transporti hekurudhor dhe metroja në Karakas janë pezulluar.

Dëmet më të mëdha janë raportuar në Karakas dhe në shtetet Miranda, La Guaira, Aragua, Carabobo dhe Falcon. Në lagjen Altamira të kryeqytetit, disa ndërtesa u shembën plotësisht, ndërsa dhjetëra persona u nxorën të gjallë nga rrënojat gjatë natës.

Banorët përshkruan momente paniku teksa ndërtesat lëkundeshin fuqishëm dhe njerëzit vraponin drejt rrugëve. Shumë familje kanë refuzuar të kthehen në shtëpi nga frika e pasgoditjeve, pasi autoritetet raportojnë më shumë se 20 lëkundje pasuese.

Shtetet e Bashkuara, Ekuadori dhe El Salvadori kanë ofruar ndihmë humanitare dhe ekipe shpëtimi. Autoritetet venezueliane paralajmërojnë se numri i viktimave mund të rritet, ndërsa operacionet e kërkim-shpëtimit vazhdojnë në zonat më të prekura.

Sipas ekspertëve të Shërbimit Gjeologjik të SHBA-së (USGS), bëhet fjalë për një nga tërmetet më të forta që kanë goditur Venezuelën në më shumë se një shekull. /CNA





Lajmet e fundit nga