web counter
LEXO PA REKLAMA!

SHKARKO APP

App Store
Google Play

E fundit!

x

Sytë nga qielli këtë të shtunë/ Një asteroid gjigant do të kalojë pranë Tokës, ja sa rrezikohet planeti

24 Qershor 2026, 13:28, Kosova & Bota CNA

Sytë nga qielli këtë të shtunë/ Një asteroid

Një asteroid i madh do të kalojë pranë Tokës këtë të shtunë, pa paraqitur asnjë rrezik për përplasje me planetin tonë. Kështu ka njoftuar sot Agjencia Europiane e Hapësirës (ESA).

Sipas ekspertëve të ESA-s, kalimi i një objekti të tillë pranë Tokës ndodh vetëm një herë në disa vite. Megjithatë, vëzhgimi i tij mund të vështirësohet për shkak të ndriçimit të fortë të Hënës, e cila do të jetë shumë e ndritshme në momentin e afrimit maksimal të asteroidit.

Asteroidi, i njohur me emrin (152637) 1997 NC1, u zbulua në vitin 1997. Sipas vlerësimeve aktuale, ai ka një diametër që varion nga 750 deri në 1.650 metra, megjithëse madhësia e tij e saktë mbetet e paqartë për shkak të ndryshimeve në llogaritjet e reflektimit të dritës së Diellit (albedo).

Asteroidi do të udhëtojë me një shpejtësi prej 8,9 kilometrash në sekondë. Në atë moment, ai do të ndodhet rreth 2,56 milionë kilometra larg Tokës, ose rreth 6,66 herë më larg se distanca Tokë-Hënë, çka përjashton plotësisht mundësinë e një përplasjeje.

Sipas ESA-s, objekti do të jetë i dukshëm nga pjesë të ndryshme të hemisferës veriore gjatë afrimit të tij, ndërsa në momentin e kalimit më të afërt do të mund të vëzhgohet pothuajse nga e gjithë bota. Në zonat ku do të jetë natë, ai mund të shihet teorikisht me teleskopë të vegjël ose edhe me dylbi të fuqishme.

Astronomët e konsiderojnë këtë një mundësi të rrallë për adhuruesit e qiellit që të vëzhgojnë nga afër një asteroid kaq të madh që kalon pranë Tokës. /CNA





Lajmet e fundit nga