E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Dokumenti i SPAK për Kuvendin/ Pse u kërkua ashpërsim i masës për Berishën

12 Dhjetor 2023, 16:34, Aktualitet CNA

Dokumenti i SPAK për Kuvendin/ Pse u kërkua ashpërsim i

Ish-kryeministri Sali Berisha

Me një shkresë 7 faqëshe, SPAK i dërgoi sot një kërkesë Kuvendit, lidhur me deputetin Sali Berisha.

Prokuroria e Posaçme kërkoi autorizim nga Kuvendi për të vendosur një masë sigurie më të rreptë për Berishën.

Në shkresën e siguruar nga CNA, janë renditur dyshimet e Prokurorisë për kryerjen e veprave penale “korrupsion pasiv e aktiv të funksionarëve të lartë shtetërorë në bashkëpunim”, si dhe pastrim i produkteve të veprës penale apo veprimtarisë kriminale në bashkëpunim, kryer nga funksionarë të lartë shtetërorë ose të zgjedhur vendor”.

SPAK kërkon arrest shtëpie për Berishën
12 Dhjetor, 12:35

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro.

SPAK sot ka kërkuar një masë të rreptë sigurie se “detyrim” paraqitje, për shkak se Berisha nuk u paraqit asnjëherë para oficerëve të BKH-së.

“Me vendimin nr. 117 datë 26.10.2023, Gjykata e Posaçme e Shkallës së Parë për Korrupsionin dhe Krimin e Organizuar Tiranë, ka vendosur ndër të tjera, vazhdimin e masës së sigurimit personal me karakter shtrëngues "Detyrim për t'u paraqitur në policinë gjyqësore”, e parashikuar nga neni 234 i K.Pr.Penale, caktuar me vendimin nr. 112 datë 20.10.2023 ndaj personit nën hetim Sali Berisha, duke u urdhëruar ky i fundit të paraqitet të hënën e parë dhe të tretë të çdo muaji, ora 10.00 para oficerit të policisë gjyqësore, pranë Prokurorisë së Posaçme Kundër Korrupsionit dhe Krimit të Organizuar, si dhe urdhërimi i këtij shtetasi të mos largohet nga territori i Republikës së Shqipërisë, pa autorizimin e gjykatës, në referim të nenit 233 pika 1 të K.Pr.Penale dhe ndalimi i përdorimit të pasaportës dhe dokumentave të tjera identifikuese të vlefshme për daljen jashtë shtetit.

Zbardhet shkresa/ Çfarë i kërkon Dumani, Kuvendit, për Berishën
12 Dhjetor, 12:52

Duke mos qenë dakord me dy vendimet e mësipërme, nga ana e personit nën hetim dhe mbrojtësve të tij është ushtruar ankim. Gjykata e Posaçme e Apelit për Korrupsionin dhe Krimin e Organizuar Tiranë, me vendimin nr. 56 datë 21.11.2023, ka vendosur ndër të tjera miratimin e vendimit nr. 112 datë 20.10.2023 të Gjykatës së Posaçme të Shkallës së Parë për Korrupsionin dhe Krimin e Organziuar, të verifikuar me vendimin nr. 117 datë 26.10.2023 të së njëjtës gjykatë, ndaj ankuesit Sali Berisha.

Referuar proces verbaleve datë 06.11.2023, 20.11.2023 dhe 04.12.2023 të mbajtur nga oficeri i policisë gjyqësore/hetuesi, para të cilit duhet të paraqitej personi nën hetim Sali Berisha, rezulton se ky i fundit, nuk ka zbatuar vendimin e gjykatës, duke mos u paraqitur asnjëherë para policisë gjyqësore”, thuhet ndër të tjera në shkresë.

Për këtë shkesë të Prokurorisë së Posaçme, pritet të mblidhet Kuvendi, i cili do të vendosë për heqjen ose jo të imunitetit të Berishës./ CNA