web counter
LEXO PA REKLAMA!

SHKARKO APP

App Store
Google Play

E fundit!

x

Pas arrestimeve të bujshme, denoncimi: Veliaj po bën gati valixhet për t’ia mbathur

12 Dhjetor 2023, 13:32, Aktualitet CNA
Pas arrestimeve të bujshme, denoncimi: Veliaj po bën gati valixhet
Erion Veliaj, kreu i bashkisë

Ish-kryeministri Sali Berisha vijon të denoncojë aferën e inceneratorëve duke e drejtuar gishtin e akuzës ndaj kryebashkiakut Erion Veliaj dhe kryeministrit Edi Rama.

Pasi ka treguar shkresat mes Ministrisë së Financave, Ministrisë së Mjedisit dhe Bashkisë së Tiranës, Berisha deklaroi se përgjegjës për aferën e inceneratorëve janë Veliaj dhe Rama.

“Këtu do t'ju lexoj vetëm një korrespondencë të tij, sepse u bë përpjekje e madhe për ta paraqitur djegësin si një aferë të Lefter Kokës.

Këtu unë do t'ju lexoj ju në faqen 31 të vendimit për Arben Ahmetajn, prokuroria ka administruar një komunikim shkresor mes Ministrisë së Financave, Ministrisë së Mjedisit dhe Bashkisë së Tiranës.

Në shkresën me numër 34881/1, datë 6.10.2017, të kryetarit të Bashkisë së Tiranës, Erion Veliaj, i është përcjellë ministrit të Financave, Arben Ahmetaj, një kthim-përgjigje ku thuhet: Bashkia e Tiranës ka detyrim buxhetor që të derivojnë nga kontrata e koncesionit për ndërtimin e landfillit. Sipas kësaj kontrate, Bashkia e Tiranës duhet t’i paguajë koncesionarit një shumë të barabartë prej 29 eurosh për ton.

Në shkresën numër 292/1, datë 13.10.2017, Ministria e Mjedisit i përcjell informacion Ministrisë së Financave: Nga përmbajtja e kësaj kontrate, nuk është përcaktuar në asnjë dispozitë që Ministria e Mjedisit të ketë marrë përsipër pagesën e ndonjë tarife apo detyrimi financiar ndaj koncesionarit. Por janë njësitë vendore të Tiranës që duhet të paguajnë për koncesionarin, pagesën për depozitimin e mbetjeve.

Pra, çdo gjë, fakton se djegësi i Tiranës është djegësi Veliaj.

Natyrisht, nuk mund të ndodhte kurrë pa firmën, bonusin e Edi Ramës.

Pra, është djegësi Rama-Veliaj”, tha Berisha.

Ndër të tjera, Berisha ka bërë deklaratën e fortë duke thënë se që nga mbrëmja e kaluar Veliaj ka kaluar studio më studio duke bërë presione të tmerreshme ndaj mediave dhe sipas disa burimeve Veliaj po bën gati valixhet që t’ia mbathë.

Berisha u ka bërë thirrje vendeve partnere dhe vendeve të tjera që të refuzojnë çdo kërkesë për azil nga Veliaj.

“Së fundmi, Erion Veliaj që mbrëmë ka kaluar nga studioja në studio me presione të tmerrshme ndaj medieve, sipas disa burimeve po bën gati valixhet t’ia mbathë.

Ndaj u bëj thirrje vendeve partnere dhe vendeve të tjera që të refuzojnë çdo kërkesë për azil të këtij megahajduti në vjedhjen më të madhe të shqiptarëve ose në vjedhjen e shekullit”, u shpreh kreu i PD-së./ CNA





Lajmet e fundit nga