web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha: Kur nxora shkresën e Veliajt me inceneratorët, më telefonuan kriminelë nga burgu

11 Dhjetor 2023, 22:54, Aktualitet CNA
Artan Hoxha: Kur nxora shkresën e Veliajt me inceneratorët, më
Gazetari Artan Hoxha

Gazetari Artan Hoxha zbuloi mbrëmjen e sotme se si është intimiduar kur publikoi në media një shkresë të kryebashkiakut Erion Veliaj lidhur me inceneratorët.

Hoxha tha në emisionin e Ylli Rakipit se e morën sapo ka publikuar shkresën ka marrë një telefonatë nga eksponentë të krimit të organizuar që ndodhen në burg.

Ai zbuloi se këta persona i kanë kërkuar llogari se përse merret me Erion Veliajn.

"Kur kam nxjerrë atë shkresën e Veliajt, mua më kanë marrë ne telefon nga burgjet, njerëz të krimit të organizuar dhe më thanë ç'punë ke ti. Nga qelitë e burgut më kanë marrë. Lëre pastaj sulmin që u bë. 
Më thanë ç’punë ke ti me këtë histori. Ndërkohë publikisht hapni kronikat, në mëngjes, drekë dhe darkë, duke u marrë me këtë.

Pasatj nxorra edhe një makinë te dera e Bashkisë, nuk thosha e ka kryetari, por thashë e kam parë të parkuar te vendi i kryetarit, që na ecën me biçikletë dhe sulmi ishte i jashtëzakonshme. Edhe në familje më thanë çfarë po bën? Nuk bëjmë luftë me gjithë dynjanë.

Ndërkohë shkresa pastaj doli në komision.

Testimi nëse SPAK kishte mundësi të shkonte te Veliaj u bë me inceneratorin e Fierit. SPAK e kërkoi masën për kryetarin e bashkisë Fier. Kur nuk e firmosi për të, kemi thënë dështoi edhe për Tiranën. Duke mos u arrestuar i Fierit, SPAK nuk mund të shkojë deri aty lart", theksoi Hoxha./ CNA





Lajmet e fundit nga