web counter
LEXO PA REKLAMA!

SHKARKO APP

App Store
Google Play

Bleu 119 mijë euro makineri nga gruaja e Zotos/ Çfarë deklaroi Alqi Bllako në gjykatë

11 Dhjetor 2023, 15:55, Aktualitet CNA

Bleu 119 mijë euro makineri nga gruaja e Zotos/ Çfarë deklaroi

CNA zbardhi në gusht të 2023-shit dosjen hetimore të SPAK-ut për inceneratorin e Tiranës, ku zbulohej se Alqi Bllako, në cilësinë e Sekretarit të Përgjithshëm të Ministrisë së Mjedisit, kishte përfituar në mënyrë të parregullt nga Klodian Zoto dhe Mirel Mërtiri vlerën prej rreth 119.755 eurosh.

Këtë përfitim të parregullt, sipas SPAK-ut, Bllako e ka siguruar në mënyrë të tërthortë nëpërmjet Klodian Zotos, duke u kryer pagesa për makineri për mbushjen, mbylljen, vulosjen dhe certifikimin e shisheve, makineri për gazifikim e pijeve me vlerë 119.755 euro.

Ish-sekretari i Ministrisë së Mjedisit ia ka dhënë si porosi shtetasit Klodian Zoto blerjen e pajisjes dhe kjo është bërë e mundur nëpërmjet shoqërisë së bashkëshortes së Klodian Zotos, Ilsa Zoto.

Për blerjen e makinerisë së birrës, Bllako ka folur këtë të hënë në gjykatë, ku ka mohuar ta ketë përfituar nga njerëzit e inceneratorëve.

“E kam blerë personalisht në Çeki. Disponoj fatura që mund t’jua vë në dispozicion. Nuk kam përfituar blerje të tillë nga Klodian Zoto”, ka deklaruar ai.

Sa i përket punësimit të Vladimir Bezhanit, ai ka pretenduar se çdo gjë është kryer në mënyrë të ligjshme.

“Është një kontratë e ligjshme me sektorin privat. As me rregullore as me ligj nuk ndalohet. Është një nga tre ekspertët më të mirë në republikë sa u përket studimeve për trajtimin e mbetjeve. Paga e personit të punësuar është e ligjshme, sa kohë është e ligjshme s’ka motiv për të ngritur akuzë”, ka theksuar Bllako./ CNA





Lajmet e fundit nga