web counter
LEXO PA REKLAMA!

SHKARKO APP

App Store
Google Play

E fundit!

x

"Asgjë nuk e zhbën humbjen e madhe"/ Vangjel Tavo, për ndarjen nga jeta të vajzës: Falënderoj ata që më mbështetën

12 Dhjetor 2023, 09:46, Aktualitet CNA

"Asgjë nuk e zhbën humbjen e madhe"/ Vangjel Tavo, për

Ish-deputeti Vangjel Tavo ka reaguar për tragjedinë familjare me të cilën po përballet, pasi pak javë më parë humbi vajzën e tij, Evanthia Tavo, në një aksident automobilstik në Maqedoninë e Veriut. 

Në një postim në rrjetet sociale, Tavo falënderon të gjithë personat që po i japin mbështetje në këtë periudhë të vështirë të jetës. Ish-deputeti falënderon edhe autoritetet dhe instancat zyrtare për ndihmën e dhënë. 

"Nuk urojmë kurrë që t’jua shpërblejmë mirënjohjen në të tilla rrethana, por vetëm në të mira e gëzime për ju dhe familjen tuaj", shprehet ndër të tjera ai. 

Reagimi i plotë: 

Të nderuar të afërm, miq, e dashamirës. Asgjë nuk e zhbën humbjen e madhe të familjes sonë por mbështetja juaj tejet njerëzore dhe e pakufi ka qenë ngushëllim i rëndësishëm e domethënës për të gjithë ne.

Shprehim mirënjohjen e thellë për gjithësecilin prej jush për respektin që treguat, duke e vlerësuar tej mase që erdhët nga të gjitha qytetet e vendit, si edhe nga shumë shtete jashtë kufijve, për të na u gjendur pranë e duke na u bërë krah.

I shprehim mirënjohjen edhe të gjitha autoriteteve dhe instancave zyrtare, të cilat u angazhuan maksimalisht për të na asistuar në çdo nevojë.

Nuk urojmë kurrë që t’jua shpërblejmë mirënjohjen në të tilla rrethana, por vetëm në të mira e gëzime për ju dhe familjen tuaj!

Me përulje, mirënjohje dhe respekt të thellë për të gjithë ju.
Vangjel Tavo dhe Familja!/CNA

 

 





Lajmet e fundit nga