web counter
LEXO PA REKLAMA!

SHKARKO APP

App Store
Google Play

E fundit!

x

Avokati Gjokutaj tregon ku gaboi SPAK-u për masën ndaj Berishës

12 Dhjetor 2023, 16:00, Aktualitet CNA
Avokati Gjokutaj tregon ku gaboi SPAK-u për masën ndaj Berishës
Avokati Genc Gjokutaj

Avokati Genc Gjokutaj ka folur lidhur me kërkesën e SPAK-ut për ndryshimin e masës së sigurisë ndaj ish-kryeministrit Sali Berisha.

Gjokutaj thotë se kjo kërkesë vërteton se SPAK-u ka qenë në dijeni për shkeljet e kryera që në masën e parë.

“Kjo kërkesë drejtuar Parlamentit vërteton edhe njëherë katërcipërisht që SPAK-u ka qenë koshient herën e parë për shkeljen që ka kryer, për mosmarrjen e autorizimit nga ana e Parlamentit, për masat që janë marrë më përpara. Sigurisht që po të lexohet në ligjëratë të drejtë është gramatikisht e qartë, thuhet që: Kur ndaj një deputeti duhet të caktohet masa e sigurimit, të arrestit me burg, ose në shtëpi, heqje e lirisë në çfarëdo lloj forme, kontroll i banesës, etj., etj., prokurori kërkon autorizim nga Kuvendi. Pra nuk është arsyetimi i SPAK-ut dhe GJKKO-së në rastin e parë që vetëm arresti me burg ose arresti në shtëpi janë kufizim lirie, por ka dhe forma të tjera të tjera të kufizimit të lirisë siç është detyrimi për paraqitje apo ndalimi i daljes jashtë vendi”, tha ai.

Avokati u shpreh se nuk mund të lindë një gjendje e ligjshme kur masa e cila duhet të zëvendësohet sipas arsyetimit të SPAK-ut është e pavlefshme.

“Imagjinoni nuk mund të lindë një gjendje e ligjshme kur masa e cila duhet të zëvendësohet sipas arsyetimit të SPAK-ut është e pavlefshme. Pra çdo kufizë, thotë matematika, që është zero, që është vendim i shkallës së parë, i shumëzuar me çdo lloj shifre tjetër, prodhon zero. Pra i gjithë ky proces që ka nisur në pavlefshmëri absolute të masës së sigurimit dhe vendimeve që kanë caktuar atë dhe çdo procedurë tjetër e vendosur mbi këtë procedurë të pavlefshme, sjell si pasojë pavlefshmërinë e këtyre tentativave juridiko-politike të SPAK-ut për të rënduar pozitën e Berishës”, tha Gjokutaj./ CNA

Poll




Lajmet e fundit nga