web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimi i masës për Berishën/ Opozita i vendos kushte Kuvendit

12 Dhjetor 2023, 15:47, Aktualitet CNA
Ndryshimi i masës për Berishën/ Opozita i vendos kushte Kuvendit
Deputeti, Gazment Bardhi

Këtë të martë, SPAK iu drejtua me një kërkesë Kuvendit për heqjen e imunitetit të deputetit Sali Berisha.

Lidhur me këtë në një dalje për mediat ka folur edhe deputeti, Gazment Bardhi.

Bardhi bëri me dije se pa u plotësuar tri kushtet që opozita ka vendosur nuk mund të shkohet në votim normal.

Ai shprehet se nëse Rama përmbush kërkesat e opozitës, kthehen në votimin normal të kësaj kërkese.

“Ne jemi njohur përmes medias. Është lajm i mirë që SPAK e di adresën e Kuvendit të Shqipërisë. Kishim humbur besimin që njihte besimin kushtetues. Qëndrimi ynë, por dhe i zotit Berisha ka qenë që votojmë çdo gjë që vjen nga SPAK. Rama të përmbushë kërkesat e opozitës dhe të kthehemi në votimin normal të kësaj kërkese. Ne rikthehemi menjëherë në normalitet me plotësimin e tri kërkesave, në rast të kundërt asnjë çështje nuk devijon aksionin e nisur më 5 tetor. Asnjë çështje nuk mund t’i mbivendoset kësaj. Sot nuk kam njoftim as unë as anëtarët e opozitës për të marrë pjesë në mbledhjen e Këshillit të Anëtarëve. Asnjëri nuk është njoftuar për të marrë pjesë në mbledhje. Ne do të vazhdojmë aksionin tonë dhe hap pas hapi do të përshkallëzojnë”, tha Bardhi./ CNA





Lajmet e fundit nga