web counter
LEXO PA REKLAMA!

SHKARKO APP

App Store
Google Play

E fundit!

x

 “Vendimet për inceneratorin e Tiranë merreshin ma 'nalt'”/ Këlliçi zbardh "email"-et e Elton Buallit

12 Dhjetor 2023, 14:23, Aktualitet CNA

 “Vendimet për inceneratorin e Tiranë merreshin ma

Ish-deputeti dhe anëtari i Kryesisë së Partisë Demokratike, Belind Këlliçi, sot ka zbuluar fakte të tjera që tregojnë se vendimet për inceneratorin e Tiranës merreshin nga nivele më të larta, duke nënkuptuar kështu kryebashkiakun Erion Veliaj.

Sot ai ka publikuar disa "e-maile", një komunikim mes punonjësve të inceneratorit të Tiranës ku në 2 dhjetor të 2020 kërkohej një informacion nga Esjana Cadri në lidhje me shkresën e datës 28.11.2020 nga Bashkia Tiranë për limitin ditor të operatorit Alko-Impex.

Këlliçi tregon edhe përgjigjen e Elton Buallit, i cili thotë se "sipas bisedës me Klodin (i referohet Klodian Zotos) rakordimi i javës së katërt mos të mbyllet ende derisa të mbyllen disa takime në nivele më të larta që brenda dy ditësh të na jepet më shumë informacion.

 “Vendimet për inceneratorin e Tiranë merreshin ma

“Pasi ditën e djeshme ju provuam me shkresa zyrtare shtetërore dhe fakte të pamohueshme, se si ish-ministri i Mjedisit, Lefter Koka i drejtohej ish-ministrave Manjani dhe Felaj, duke u kërkuar përgjigje dhe zgjidhje urgjente për një procedurë antiligjore, pasi me fjalët e vetë ministrit Koka, projekti i inceneratorit të Tiranës ishte një nga përparësitë kryesore të Bashkisë së Tiranës, sot po ju vëmë në dispozicion fakte të reja që tregojnë qartazi se vendimet në biznesin e inceneratorit të Tiranës merreshin “Ma nalt”.

Nga muaji gusht i këtij viti e deri ditën e djeshme, ju kam treguar dhe vendosur në dispozicion, si publikut, por edhe organit të akuzës, aneks-kontratën nr.IX, ku faktohet se Erion Veliaj ishte i vetmi kryetar bashkie që e firmosi një angazhim të tillë, pa miratim të Këshillit Bashkiak.

Ju kam treguar me fakte se si kulla pas Sahatit, Teatri Kombëtar, kompania Arlis-Ndërtim, fitonin privilegje në biznesin e depozitimit të dherave, i udhëhequr nga Erion Veliaj. 

Sot, po ju vë në dispozicion një e-mail tjetër që tregon qartazi se si, sipas asaj shprehjes se famshme të Ulsi Manjës, vendimet merreshin “Ma nalt”. Ky është një komunikim midis punonjësve të inceneratorit të Tiranës ku në 2 dhjetor të 2020 kërkohet një informacion nga Esjana Cadri kërkon limitin ditor të Alko Impex.

Përgjigjja që vjen nga Elton Bualli i 400 mijë euro të AZHBR-së që bëri serë te landfilli që intimidonte dhe përfaqësuesit e opozitës në landfill i thotë sipas bisedës me Klodin rakordimi i javës së katërt mos të mbyllet ende derisa të mbyllen disa takime në nivele më të larta që brenda dy ditësh të na jepet informacioni”, tha Këlliçi.

Anëtari i Kryesisë së PD-së, u shpreh se më lart se Klodian Zoto dhe Mirel Mërtiri është vetëm një pozicion dhe një emër, Erion Veliaj.

“Ma nalt se Klodian Zoto dhe Mirel Mërtiri në këtë çështje është vetëm një pozicion dhe një emër, Erion Veliaj”, tha Këlliçi në përfundim të deklaratës së tij për mediat./ CNA

 “Vendimet për inceneratorin e Tiranë merreshin ma





Lajmet e fundit nga