web counter
LEXO PA REKLAMA!

SHKARKO APP

App Store
Google Play

Shqipëri/ 47% e grave kanë përjetuar një moment dhune në familje

13 Dhjetor 2023, 18:45, Aktualitet CNA
Shqipëri/ 47% e grave kanë përjetuar një moment dhune
Foto ilustruese

47 për qind e vajzave, grave kanë përjetuar një moment dhune në familje.

Këtë e bëri të ditur Ministri I Brendshëm Taulant Balla gjatë fjalës së tij në konferencën “Bashke kundër dhunës me bazë gjinore”.

Balla tha se duhen krijuar një serë programesh sociale në mënyrë të tillë që të mundësojmë që ato që dhunohen dhe që denoncojnë dhunën të shkëlqejnë, që jeta e tyre pas denoncimit të jetë shumë e mire.

“U prek këtu rasti i Vlorës. Isha i bindur se nga ajo që ishte raportuar deri në atë moment nga media, ishim shumë larg së vërtetës. Kur fola drejtë për së drejti me vajzën e dhunuar aty e kuptova se edhe punonjësit të Policisë së Shtetit ishin sjellë si negociatorë që donin të gjenin një zgjidhje që të ishte e mirë për të gjithë, sipas tyre. Kjo mjafton për të treguar se ende nuk i kemi mekanizmat dhe protokollin. Vajzat dhe gratë që marrin përsipër të denoncojnë dhunën janë heroina e ditës së sotme, për të cilat ne duhet të kujdesemi në mënyrë të vazhdueshme. Duke krijuar një sërë programesh sociale duhet të mundësojmë që ato të shkëlqejnë, që jeta e tyre pas denoncimit të jetë shumë e mirë pas denoncimit të rastit të dhunës.Statistikat janë alarmuesë. 47 për qind e vajzave,  grave kanë përjetuar një moment dhune në familje. Kjo nuk është një betejë që mund të arrihet vetëm përmes Policisë së Shtetit”, tha Balla./ CNA





Lajmet e fundit nga