web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen email-et/ Mirel Mërtiri, ultimatum Klodian Zotos: Mos ndërhy në listëpagesa, e teprove

13 Dhjetor 2023, 21:33, Aktualitet CNA

 

Zbardhen email-et/ Mirel Mërtiri, ultimatum Klodian Zotos: Mos ndërhy
Mirel Mërtiri dhe Klodian Zoto

 

CNA ka raportuar prej kohësh për përplasjet mes Klodian Zotos dhe Mirel Mërtirit, dy “kokave” të aferës së inceneratorëve.

Këto përplasje janë reflektuar edhe në dosjen e SPAK, ku janë zbardhur email-et ndërmjet Zotos dhe Mërtirit.

Në dosjen e bërë publike nga gazetarja Klodiana Lala, shihet se si Mirel Mërtiri, “truri” i inceneratorëve jep ultimatum Klodian Zotos.

Në email-in e datës 7 shtator të 2018-ës, që është nisur, ky i fundit

Mërtiri i kërkon Zotos të mos ndërhyjë në listëpagesat, ndërsa deklaron se e ka tepuar me veprimet e tij.

“Klod miremengjes. Në attachment më posht do të gjesh të gjithë debitorët që ne kemi si group. Do të vëresh që ka patur edhe shumë prioritete të tjera për tu paguar të cilët janë lënë komplet në hije … Të lutem nuk dua që të më ndërhysh më në listën e pagesave si veprove këtë herë me gocat.

E kemi bërë qindra herë këtë bisedë dhe përsëri me atë stilin tënd të veçantë vazhdon të dalësh atje ku do.

Vëlla herë tjetër nëse ke prioritete mi thuaj dhe ske më punë me listën. Përse jam rrugëve s’do të thotë që skam përparësi në ecurinë e punëve apo mbarëvajtjen. Unë s’jam aty, por s’mund të lejoj që financa (e përpunuar nga ty) të më hedhi hi syve me miratimin tënd.

Kjo të lutem s’dua të ndodhë më. Bashkë i kemi ndarë detyrat/ Mund të diskutojmë për çdo gjë por jo të përpunojmë njëri-tjetrin se unë se bëj kurre. TE LUTEM MOS më vë më në një siklet të tillë … Financa është zyre më vete dhe duhet të jetë transparente si për ty edhe për mua.  Mos më vë në siklet të LUTEM…”, thuhet emailin e dërguar nga adresa e postës elektronike e Mirel Mërtirit në 7 shtator të 2018-ës.

Ndërkohë, në të njejtën ditë, Klodian Zoto i përgjigjet duke i kërkuar falje.

“Mirëmëngjesi Të më falësh. Sinqerisht të siguroj që sdo të ndodhë më ndërhyrja për sa thua ti. Besoj që nuk do kemi më nevojë ta bëjmë këtë diskutim dhe nuk do përpunoj më njeri. Dhe njëherë të kërkoj falje Ditë të mbarë & nbsp”, i shkruan Zoto./ CNA





Lajmet e fundit nga