web counter
LEXO PA REKLAMA!

SHKARKO APP

App Store
Google Play

E fundit!

x

Marrja në pyetje dhe kontrolli në banesë/ Gazetarët dalin në mbështetje të Elton Qynos

13 Dhjetor 2023, 22:16, Aktualitet CNA
Marrja në pyetje dhe kontrolli në banesë/ Gazetarët dalin
Gazetari Elton Qyno

Gazetari Elton Qyno është marrë në pyetje nga SPAK këtë të mërkurë për nxjerrjen e akteve hetimore.

Qyno nuk ka preferuar të tregojë burimin e informacionit. Pas përfundimit të dëshmisë, oficerët e BKH-së kanë ushtruar kontroll në banesë, zyrë dhe në makinë.

Por marrja në pyetje dhe kontrolli kanë sjellë një reagim të ashpër të gazetarëve.

Një ndër ta është Esiona Konomi, e cila shprehet se respekton punën e SPAK-ut, por thekson se shoqërimi është shqetësues.

“Pavarësisht respektit të plotë për punën e çdo institucioni të drejtësisë, sidomos të SPAK, shoqërimi, ndalimi apo proçedimi i gazetarit Elton Qyno është shqetësues.

Rrethanat e paqarta që lidhen me këtë proces mbartin rrezik për cënimin e fjalës së lirë dhe dekurajojnë gazetarinë investiguese.

Mungesa e informacionit e bëjnë të pamundur dallimin mes shenjtërisë së mbrojtjes së burimit dhe konsumimin e veprës së nxjerrjes së sekretit hetimor.

Në çdo rast, mbajtja e kolegut Qyno kaq gjatë dhe mungesa e transparencës për arsyet, krijojnë panik për familjen e tij e cila është kontrolluar në banesë dhe sjellin shqetësim tek gazetarët.

Mbase dimë pak mbi këtë “histori”, por SPAK-ut i shkojnë përshtat veprime proporcionale e transparente.

Në të njëjtën kohë, për ne si gazetarë ka rëndësi një raportim me etikë e në respektim të ligjeve të fuqi”, shkruan ajo.

Gazetarja Anta Muçaku e lidh situatën e sotme me dramën “Nothing but the truth” ku u arrestua reporterja Rachel Armstrong pasi nuk tregoi burimin e lajmit.

“Mbajtja prej më shumë se 10 orësh e Elton Qynos, peng në SPAK, më kujtoi dramën “Nothing but the truth” ku reporterja Rachel Armstrong, në mbrojtje të burimit të lajmit, ra në burg.

E ç’nuk i ndodhi, e ç’nuk hoqi në qeli e prapë nuk e tregoi burimin!

Detyra e medias nuk është të bashkëpunojë as me policinë, as me Prokurorinë, detyra e medias është t’u shërbejë qytetarëve. Rrjedhjen e informacionit, SPAK ta gjejë brenda vetes!

Ps. Na kurseni komentet negative sepse nuk dua t’ia di për asnjë luftë klanesh. Ky është solidarizim mes kolegësh se sot është radha e Elton Qynos, nesër mund të jetë e jotja dhe e imja!”, shkruan ajo.

Gazetari Klodian Tomorri e cilëson një turp marrjen në pyetje, pasi thekson se burimi i beson jetën gazetarit.

“Vetem vrasesi te shtrengon per te nxjerre burimin

Nese arsyeja e ndalimit te kolegut Elton Qyno eshte me te vertete shantazhi per te nxjerre burimin e informacioneve qe ai ka publikuar, ky eshte precedenti me kriminal dhe sulmi me i rrezikshem qe i eshte bere ndonjehere medias ne Shqiperi.

Ai prokuror qe kercenon gazetarin te nxjerre burimin eshte turpi i drejtesise se re, drejtesise se vjeter dhe cfaredo drejtesie ne bote. 

Burimi i beson jeten gazetarit. Dhe gazetari qe nxjerr burimin behet hjeks. Ndersa ai qe te shtrengon per te nxjerre burimin eshte as me shume dhe as me pak, por vrases.

E ka ngrene njehere nje gol SPAK-u per kete pune kur ja theu turinjte Gjykata e Strasburgut per serverat e Lapsit. 

Pra eshte eshte hera e dyte qe e ben kete histori SPAK-u. Dhe meqe keta nuk merrkan vesh, perballe ketij agresioni ka vetem nje rruge. Te sanksionohet ne Kushtetute mbrojtja e gazetarit per te mos nxjerre burimin. Shprehimisht”, deklaron ai.

Mbështetjen për Qynon e ka shprehur edhe Anila Hoxha.

“Kontrollohet shtëpia e gazetarit Elton Qyno për nxjerrje të sekretit hetimor!

Jam me Elton Qynon dhe me çdo gazetar që i shërben publikut dhe të vërtetës”, thekson ajo.

Këto janë vetëm disa nga reagim në rrjetet sociale të njerëzve të medias, të cilët kanë mbështetur kolegun e tyre./ CNA





Lajmet e fundit nga