web counter
LEXO PA REKLAMA!

SHKARKO APP

App Store
Google Play

Behgjet Pacolli paralajmëron padi për Arjan Curin/ “I shkaktuat vuajtje familjes sime”

15 Dhjetor 2023, 19:03, Aktualitet CNA
Behgjet Pacolli paralajmëron padi për Arjan Curin/ “I shkaktuat
Fotomontazh

Analisti Arjan Curi hodhi akuza ndaj ish-presidentit të Kosovës, Behgjet Pacolli teksa foli në lidhje me vrasjen e Liridona Ademajt me urdhër të bashkëshortit të saj, Naim Murseli.

Në një dalje televizive, Curi tha se Pacolli mungoi në dy ceremonitë mortore të Liridona Ademajt, ndërsa hodhi dyshime për këtë gjë.

“Behgjet Pacolli mungoi në varrim, mundet që vilën mund t’ja ketë dhënë ai, prokuroria duhet të hetojë. Pse kumbari nuk shkon në të dy varrimet e Liridonës? Kam një arsye pse por nuk e them dot live se kam hall se prish pistat e hetimit," u shpreh ai.

Për deklaratat e analistit ka ardhur një reagim nga vetë biznesmeni Behgjet Pacolli.

Ky i fundit paralajëmron Curin për padi në gjykatë, ndërsa thotë se deklaratat e tij janë bërë shkak për bullizimin e djalit të tij nga bashkëmoshatarët.

“Pas një udhëtimi të gjatë, në kthim të mbrëmjes, vura re një kumulim lajmesh dhe opinionesh të shpërndara kohët e fundit. Disa individë, duke përdorur shpifjet, deklaratat të pasqyruara, tentativa për shantazh dhe propagandë, kanë ndërmarrë përpjekje për të kontaminuar emrin tim dhe për të poshtëruar integritetin e familjes sime.

Ju, zotni Arjan Curri nuk keni asnjë të drejtë t’i shkaktoni vuajtje familjes sime, veçanërisht djalit tim të vogël, i cili tani është bërë objekt bullizmi të vazhdueshëm nga shokët e tij për shkak të deklaratave të tuaja të pavërteta dhe hutuese.

Zotëri, unë nuk ndaj vlerat tuaja, unë kam një familje me tradita të forta dhe do të punoj për t’ju sjellë para përgjegjësisë për të gjithë këto vuajtje që i shkaktuat fëmijëve dhe familjes sime”, thekson Pacolli./ CNA





Lajmet e fundit nga