web counter
LEXO PA REKLAMA!

SHKARKO APP

App Store
Google Play

E fundit!

x

Manja, mesazh familjarëve të të burgosurve nga Peqini/ “Qëndroni të qetë!”

15 Dhjetor 2023, 18:07, Aktualitet CNA
Manja, mesazh familjarëve të të burgosurve nga Peqini/
Ministri i Drejtësisë, Ulsi Manja

Ministri i Drejtësisë, Ulsi Manja, foli pas daljes nga ambjentet e burgut të Peqinit për vrasjen dhe plagosjen nga i burgosuri Sokol Mjacaj.

Manja e cilësoi këtë ngjarje si tepër të rëndë, ndërsa deklaroi se jeta dhe siguria e personelit policer nuk është cënuar në asnjë moment.

“Ngjarje tepër e rëndë. Ka humbur jetën një i dënuar dhe është plagosur lehtë një tjetër i dënuar. Dua të ngushëlloj familjarët e dënuarit që ka humbur jetën, t’i uroj shërbim të shpejtë të dënuarit tjetër që është plagosur. Autori i kësaj ngjarje të rëndë është i dënuar me burgim të përjetshëm dhe pas kryerjes së krimit i është drejtuar drejtorit të përgjithshëm të burgjeve. Pas dorëzimit, është vënë në dispozicion të prokurorit të gatshëm të Elbasanit. Nuk ka patur në asnjë moment cënim të jetës dhe sigurisë të personelit policor”, u shpreh ai.

Gjithashtu, ministri dha edhe një mesazh për familjarët e të burgosurve, të cilëve u kërkoi që të mos shqetësohen pasi situate ndodhet nën kontroll.

“Të gjithë familjarët e të dënuarve në institucionet tona të qetësohen, kjo është ngjarje e rëndë, por situata e rendit dhe sigurisë është nën kontroll. E fundit sa i takon regjimit të posaçëm, ka filluar që dje procedurat, janë vendosur dy të parët dhe do të ketë të tjerë që do të vendosen në regjim ditët në vijim”, theksoi Manja./ CNA





Lajmet e fundit nga