web counter
LEXO PA REKLAMA!

SHKARKO APP

App Store
Google Play

E fundit!

x

"O njish, o artist, o grupi, ç’bën mo?"/ Brisida Shehaj ironizon Erion Veliajn me fjalët e tij

16 Dhjetor 2023, 20:31, Aktualitet CNA
"O njish, o artist, o grupi, ç’bën mo?"/ Brisida
Brisida Shehaj

Pas nxjerrjes blof nga opozita, e cila publikoi sot disa video të cilat tregonin se si kryebashkiaku Erion Veliaj përgënjeshtronte veten me deklaratat e tij në lidhje me inceneratorin e Tiranës dhe të Elbasanit, ka reaguar ekspertja e Ekonomisë Brisida Shehaj.

Ekspertja e Ekonomisë ka ironizuar kryebashkiakun përmes një statusi duke përdorur të njëjtat fjalë që ai përdorte dikur në fillimet e tij si kryebashkiak, gjatë një takimi, ku i drejtohet një të riu me fjalët o njish, o artist, o grupi, ç’bën mo?

Këto fjalë që Veliaj ia ka thënë një të riu , 8 vite më parë, në 15 dhjetor të vitit 2015, sot janë një karmë drejt tij, që i kthehet nga ekspertja e Ekonomisë, Brisida Shehaj.

Teksa publikon videon e kryebashkiakut Veliaj gjatë mbledhjes së Këshillit Bashkiak në 28 shtator të vitit 2017, deklaron se atë nuk e fundosin vetëm dokumentet me firmën e tij, po dhe deklaratat që ka bërë në mbledhjet e Këshillit.

“O njish, o artist,o grupi, ç’bën kështu mo se more veten në qafë.( cit Veliaj) Me letra e dinim që ke bo si tka dash kokrra qejfit por ti i paske dhënë dhe gojës o grupi.Dhe ky do dorëzohet vetë” , shkruan Brisida Shehaj duke ironizuar Veliajn me fjalët e tij.

"O njish, o artist, o grupi, ç’bën mo?"/ Brisida

Më herët opozita publikoi disa video që tregonin se si Veliaj përgënjeshtron veten në lidhje me aferën e inceneratorit të Tiranës dhe të Elbasanit.

Në mbledhjen e Këshillit Bashkiak në 28 shtator të vitit 2017 ,Veliaj thoshte me krenari se ishte ai që i kishte kërkuar qeverisë inceneratorin , pasi ishte frymëzuar nga suksesi i inceneratorit të Elbasanit madje e ka kërkuar për të gjithë qarkun, e ndërsa së fundi në deklaratat e tij tha se nuk e kishte kërkuar ai ndërtimin e inceneratorit të Tiranës.

Po ashtu në Komisionin Hetimor që është zhvilluar në vitin 2022, Veliaj krenohej se Tirana ishte më e pastër dhe 30 % më lirë se çmimi që kishte vendosur Lulzim Basha për mbetjet./CNA





Lajmet e fundit nga