web counter
LEXO PA REKLAMA!

SHKARKO APP

App Store
Google Play

Arben Kraja kërkon autorizimin për arrestimin e Sali Berishës

18 Dhjetor 2023, 12:54, Aktualitet CNA
Arben Kraja kërkon autorizimin për arrestimin e Sali Berishës
Arben Kraja

Prokurori i SPAK-ut, Arben Kraja, ka kërkuar sot para Këshillit të Imunitetit dhe Mandateve autorizimin për arrestimin e ish-kryeministrit Sali Berisha.

Në mbledhjen e Këshillit, Kraja theksoi se ka dyshimet për kryerjen e veprës penale të korrupsionit nga Berisha në kohën që ka qenë kryeministër i vendit.

"Nga hetimet vlerësohet se Berisha në cilësinë e kryeministrit në periudhën 2005 e në vijim ka miratuar vendime ku përfitues i drejtpërdrejtë ka qenë edhe bashkëshorti i vajzës së tij, Jamarbër Malltezi. Nga Berisha janë kryer veprime aktive për të vendosur në dispozicion të Malltezit struktura shtetërore. Përfitime të parregullta janë të gjitha përfitimet monetare që ka marrë Jamarbër Malltezi, të llogaritura në shumën 5 milionë euro. Përfitimi mund të jetë jo vetëm për vete, por edhe persona të tjerë. Mbështetur mbi ligjin SPAK i është drejtuar GJKKO-së duke kërkuar masën detyrim për t'u paraqitur në policinë gjyqësore dhe ndalim i daljes jashtë shtetit nga Berisha. Gjykata pranoi kërkesën e prokurorisë. Gjykata e Apelit vendosi ndër të tjera miratimin e vendimit të Gjykatës së shkallës së parë. Referuar procesverbaleve të mbajtura nga oficeri i policisë gjyqësore, rezulton se Berisha nuk e ka zbatuar vendimin e Gjykatës për t'u paraqitur dy herë në muaj. Vlerësojmë se nga hetimet e kryera ekziston dyshimi i arsyeshëm se nga Berisha është konsumuar vepra penale e korrupsionit pasiv. Berisha në mënyrë të përsëritur nuk ka zbatuar vendimin e Gjykatës për t'u paraqitur para oficerit të policisë gjyqësore. Ne kërkojmë dhënien e autorizimit për arrestimin e deputetit Sali Berisha, duke zëvendësuar masën e detyrimit për t'u paraqitur para oficerit të policisë gjyqësore në arrest me burg/arrest shtëpie", u shpreh ai./CNA

 





Lajmet e fundit nga