web counter
LEXO PA REKLAMA!

SHKARKO APP

App Store
Google Play

E fundit!

x

Gjokutaj, sherr me Nikollën: Po kriminalizohet procesi, zërin tonë e keni alergji

18 Dhjetor 2023, 14:17, Aktualitet CNA
Gjokutaj, sherr me Nikollën: Po kriminalizohet procesi, zërin
Genc Gjokutaj

Debatet vijojnë në mbledhjen e Këshillit të Mandateve, ku po shqyrtohet kërkesa e SPAK-ut ndaj ish-kryeministrit Sali Berisha. Sipas avokatit të Berishës, Genc Gjokutaj, nuk ka asnjë provë SPAK-u që të kërkojë ashpërsimin e masës ndaj deputetit. 

Sipas Gjokutajt, kjo është një çështje e klonuar, e krijuar. 

Menjëherë ndërhyri edhe kryetarja e Kuvendit, Lindita Nikolla, e cila tha se Berisha ka shkelur dy vendime gjykatash. 

Diskutimi:

Gjokutaj: Po kriminalizohet vendimmarrja. Kallëzimi është i rremë. Ju duhet të insistoni me forcë për detaje se ju do merrni një vendim sot. Nuk ka çështje, nuk ka provë sot. Kjo çështje është një çështje e krijuar, e klonuar. Kjo nuk është gjuhë juridike, morale etike. Nuk kam problem optik, jo logjik. 

Nikolla: Ne po shqyrtojmë kërkesën, jo çështjen, kemi dy vendime gjykate që thonë se Berisha ka shkelur masën e sigurisë. Të mos i shmanget paraqitjes para organeve. Në mënyrë të përmbledhur ju lutem. Berisha ka shkelur dy vendime gjykatash, keni gjë për të thënë për këtë?

Gjokutaj: Ne po ju sjellim dokumente, nuk po bëjmë politikë. Unë po ju sjell prova. Mesa shoh unë ju e keni alergji zërin tonë. Unë e këuptoj hallin tuaj,doni të na hiqni djalën. Kjo është një regji, këtu nuk ka çështje penale sot

Nikolla: Ju heq fjalën dhe vijojmë me përgjigjet e tjera. I ezauruat kohën, ju lutem. Duhet të vijojmë me përgjigjet e tjera. Nuk mund të respektosh kushtetutën, kur i fshihesh drejtësisë./CNA

 

 





Lajmet e fundit nga