web counter
LEXO PA REKLAMA!

SHKARKO APP

App Store
Google Play

Berisha paralajmëron Ramën/ “Kemi hesape të rënda për të larë, do ta paguash shtrenjtë”

18 Dhjetor 2023, 13:25, Politikë CNA
Berisha paralajmëron Ramën/ “Kemi hesape të rënda
Ish-kryeministri Sali Berisha

Ish-kryeministri Sali Berisha ka folur me tone të ashpra ndaj kryeministrit Edi Rama në protestën para Kryesisë së Kuvendit.

Berisha paralajmëroi Ramën se i ka ardhur fundi dhe nuk do të ketë ligj që të pengojë hetimin e vjedhjeve të qeverisë.

Ai theksoi se me kreun e qeverisë ka hesape të rënda për të larë. Sipas tij, kryeministri do ta paguajë shtrenjtë atë për veprimet që po bën me opozitën.

“Ç’po ndodh sot në parlament? Sot në parlament, në komision po votojnë ligjin, i cili ndalon hetimin e Edi Ramës. Jo, Edi Rama, i bindur të jesh ti se nuk ka ligj që do të na pengojë ne pa hetuar vjedhjet tuaja, pa hetuar vjedhjet që u ke bërë shqiptarëve.

Çfarë ndodh? E thërrasin gazetarin, e rrëmbejnë, e fusin njëlloj si dikur në labirintet e sigurimit, e terrorizojnë, tregime si në romanet e Kafkës kam dëgjuar nga gazetarët e tjerë.

Po pse? Se ai ka emrin e Edi Ramës në ato regjistrime, në ato lidhje me krimin që ai ka denoncuar, dalin dy emra, Taulant Balla dhe Edi Rama. Dhe ata kanë tmerr se do publikohen.

Ne do të mbrojmë gazetarët. Ne u themi skapistëve, hiqni dorë mjeranë se ne kemi përmbysur policinë sekrete më të egër të botës dhe nuk u kemi për asgjë.

Ju garantoj se do të bëheni përgjegjës për çdo shkelje të ligjit dhe të Kushtetutës dhe se do të trajtoheni njëlloj si falanga krimi të kreut të Meduzës, të kryehajdutit të Shqipërisë, Edi Rama.

Me Edi Ramën kemi hesape të rënda për të larë. Edi Rama është sjellë ndaj nesh, ndaj jush, njëlloj si nazistët në kampet e përqendrimit me hebrenjtë. Ata hebrenjve u hiqnin emrat dhe u jepnin nga një numër dhe ditë, javë, muaj atë thërriteshin me numra. Harronin emrat e tyre.

Por ne e garantojmë Edi Ramën se do ta paguajë shumë shtrenjtë ata që ka bërë dhe përpiqet të bëjë me identitetin tonë”, theksoi kreu i PD-së./ CNA





Lajmet e fundit nga