web counter
LEXO PA REKLAMA!

SHKARKO APP

App Store
Google Play

“Të hiqet imuniteti i Ramës”/ Këlliçi, thirrje qytetarëve nga protesta

18 Dhjetor 2023, 12:28, Politikë CNA

“Të hiqet imuniteti i Ramës”/ Këlliçi, thirrje

Ish-deputeti Belind Këlliçi ka hedhur akuza të forta ndaj qeverisë gjatë fjalës së tij në protestën e opozitës para Kryesisë së Kuvendit.

Këlliçi tha se Këshilli i Mandateve po zhvillon një mbledhje turpi, ndërsa kërkoi që t’i hiqet mandate kryeministrit Edi Rama.

“Shqipëria u përngjan regjimeve diktatoriale, po i ngjan Rusisë, ku lideri i opozitës burgoset, ku bëhet gjithçka për të luftuar opozitën. Po i ngjajmë çdo ditë e më shumë Venezuelës, Mianmarit, vendeve të Afrikës qendrore ku ka diktaturë të tmerrshme. Ky është standardi që na ka sjellë Edi Rama pas dhjetë viteve në krye të qeverisjes.

Në këtë Kryesi Kuvendi, po zhvillohet një mbledhje turpi e Këshillit të Rregullores, që duhet të mblidhej në fakt për të shqyrtuar heqjen e imunitetit dhe të mandatit të Kryeministrit Rama, për shkak se është kapur në vjedhje për më shumë dhjetë vite, sot po tentohet të goditet opozita, të goditet Sali Berisha jo si individ”, u shpreh ai.

Teksa hodhi akuza ndaj Ramës dhe SPAK-ut, Këlliçi u bëri thirrje qytetarëve t’i bashkohen për protesta.

“Sot institucionet e drejtësisë SPAK-u ka marrë porosi për të goditur opozitën dhe jo qeverinë. Sot po goditeni ju, po goditet shpresa, po goditet e ardhmja. Ndaj sot unë u bëj thirrje atyre që nuk janë në sherrnajën politike, dilni në këtë shesh”, theksoi ish-deputeti./ CNA





Lajmet e fundit nga