web counter
LEXO PA REKLAMA!

SHKARKO APP

App Store
Google Play

E fundit!

x

“Jemi në shesh të mjedanit”/ Berisha: Me mosbindje civile do rrëzojmë regjimin

16 Dhjetor 2023, 17:03, Politikë CNA
“Jemi në shesh të mjedanit”/ Berisha: Me mosbindje civile
Ish-kryeministri Sali Berisha

Ish-kryeministri Sali Berisha, gjatë takimit të tij më demokratët në Gjirokastër, nga ku ka dhënë mesazhin se me mosbindje civile, me të gjitha mjetet për të rrëzuar regjimin.

Gjatë fjalës së tij, Berisha tha se Shqipëria sundohet nga krimi dhe se lidhjet e tij shkojnë deri në kryeministri.

Ish kryeministri Sali Berisha deklaroi se, sot lirohen nga burgjet vrasësit serialë, sjellin nga Dubai dhe vende të tjera trafikantët më të rrezikshëm për t’i vërsulur kundër votës së lirë të qytetarëve shqiptar.

Ndër të tjera, Berisha theksoi se tashmë janë në shesh të mejdanit për t’i thënë se votën e lirë PS nuk do ta ketë kurrë.

“Kthesa që kërkohet nga ne, ka të bëjë me misionin e ri që duhet të marrë përsipër PD, të përmbysë me të gjitha mjetet e mosbindjes civile atë që erdhi me termin Rilindje në 2013 dhe u përbetua si revansh hakmarrës ndaj demokracisë dhe përfundoi në një diktaturë bande, krimi.

Sot në mblidhemi këtu në një moment ku Shqipëria sundohet nga një regjim në të cilin krimi me lidhjet e tij shkojnë deri në kryeministri , në të cilën kartelat e drogës nga Sinaloa e Meksikës, të Kolumbisë, Ekuadorit dhe të Shqipërisë kanë lidhje me zyrën e kryeminoistrit.

Krimi dhe bandat me të rrezikshme të vendit kanë caktuar ministër rendi eksponentin e tyre.

Jemi në një moment ku krimi vendos kudo dhe në qelitë e burgjeve me sigurinë më të lartë.

Sot lirohen nga burgjet vrasësit serialë, sjell nga Dubai dhe vende të tjera trafikantët më të rrezikshën për t’i vërsulur kundër votës së lirë të qytetarëve shqiptar.

Jemi në një regjim ku krimi shndërrohet në votë dhe vota në krim.

Ne dorëzuam pushtetin me votën e lirë. Ne mbetemi të betuar për votën e lirë të qytetarëve.

Sot lipset kthesa, pritet vendimi ynë. Ne u premtuam se do të mbrojmë votën tuaj dhe kemi qenë shumë serioz.

Sot jemi në shesh të mejdanit, për t’i thënë se votën e lirë nuk do ta kesh kurrë.

Jemi parti e misioneve të mëdha. Do ngrihemi në mosbindje civile dhe do të rrëzojmë këtë armik të egër “, tha Berisha./ CNA





Lajmet e fundit nga