E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Bislim Ahmetaj propozon qeveri tranzitore/ “Domosdoshmëri mbijetese, të ndërtohet nga pedagogë”

15 Dhjetor 2023, 18:52, Politikë CNA

Bislim Ahmetaj propozon qeveri tranzitore/ “Domosdoshmëri mbijetese,

Bislim Ahmetaj, ish-kryetari i “Grupimit ’90”

Bislim Ahmetaj, ish-kryetari i “Grupimit ’90”, ka kërkuar këtë të premte qeveri tranzitore.

Me anë të një statusi në rrjetet sociale, Ahmetaj deklaron se Shqipëria e ka domosdoshmëri mbijetese një qeveri kalimtare, të paktën një vjeçare.

Ai shprehet se në mënyrë “mund të pastrojë veten nga llumi, zhuli dhe ndryshku që e ka mbytur shtetin shqiptar në çdo hallkë të tij”.

Bislim Ahmetaj propozon që qeveria kalimtare të ndërtohet nga profesorë të universiteve publike të vendit duke filluar nga Shkodra në Gjirokastër, Korçë, Elbasan dhe Durrës për të qenë krejtësisht apolitike.

Propozimi i plotë:

Vendi ka nevojë urgjente për një qeveri kalimtare.

Shqipërinë e sotshme është e vështirë deri në pamundësi për ta përshkruar qoftë si shkrimtar, sociolog apo si politikan. Nganjëherë e shoh si një mollë në "Kopshtin e Adamit" të kafshuar nga çdo anë, jo nga Eva, por nga hijenat.

Pastaj më shfaqet si një godinë e rrëzuar nga një termet apokaliptik rreth së cilës duartrokasin minjtë e politikës dhe armiqtë historikë të saj.

Shpesh e shoh si një "bombë atomike" çelsat e së cilës i zotërojnë gjithfarë rrugaçësh dhe kafshësh politike.

Shqipëria e ka domosdoshmëri mbijetese një qeveri kalimtare, të paktën një vjeçare, në mënyrë që ta pastroj vetën nga llumi, zhuli dhe ndryshku që e ka mbytur shtetin shqiptar në çdo hallkë të tij.

Një vit do të ishtë i mjaftueshëm për të kthjelluar mendjet e indoktrinuara, të verbëra, të kalbura nga korrupsioni dhe hakmarrja primitive.

Një vit do ishte i mjaftueshëm për të ba një ligj zgjedhor të gjithëpranuar, ku të jenë të përfshirë shqiptarët e diasporës, një ligj që rrit besimin dhe jep garanci për fshehtësinë e votës dhe të numrimit të saj.

Një vit do të ishte i mjaftueshëm për ta çliruar drejtësinë nga kontrolli i qeverisë aktuale, nga presioni i opozitës dhe nga influenca arbitrare e ambasadës amerikane apo ambasadave të tjera perendimore dhe lindore.

Një vit do të ishte i mjaftueshëm për të afruar tek votuesi programe, kandidatë dhe alternativa që i japin garanci votuesve që nuk janë fllucka sapuni, apo droga elektorale.

Një vit do të ishte i mjaftueshëm për ti dhënë fund tranzicionit të pafundëm.

Kjo qeveri kalimtare një vjeçare për të qënë krejtësisht apolitike dhe jo krahinore do të duhej sipas meje të ndërtohej nga profesor të universiteve publike të vendit duke filluar nga Shkodra në Gjirokastër, Korçë, Elbasan, Durrës.

Për tu ndalur në Tiranë tek Universiteti i Tiranës, Universiteti Politeknik, Universiteti Bujqësor, Universiteti i Mjekësisë, ai i Sporteve dhe Arteve.

Njëmbëdhjetë pedagog(e)-ministra, të cilët nuk duhet të kenë pasur asnjë angazhim politik në të kaluarën e tyre, me një program-orakull, të shkurtër dhe të qartë, për nji vit do të mund ti afronin vendit ndryshimin cilësor që përceptojnë shqiptarët e ndershëm dhe të vyrtytshëm, të cilët unë besoj dhe mendoj që përbëjnë shumicën tonë.