web counter
LEXO PA REKLAMA!

SHKARKO APP

App Store
Google Play

E fundit!

x

28 deputetë të PD-së, padi në Kushtetuese për Berishën/ Bylykbashi: Imuniteti është për të mbrojtur Parlamentin

14 Dhjetor 2023, 19:12, Politikë CNA
28 deputetë të PD-së, padi në Kushtetuese për
Oerd Bylykbashi

28 deputetë të PD kanë dorëzuar një padi në Gjykatën Kushtetuese  ku kanë kërkuar pezullimin e masave shtrënguese ndaj Sali Berishës dhe interpretimin e nenit 73 të Kushtetutës, pika 2 e tij.

Ata e cilësojnë masën e dhënë nga SPAK-u ndaj Sali Berishës në shkelje të ligjit themeltar të shtetit dhe një vendim politik.

Pas dorzimit të kërkesës në Kushtetuese ka pasur një reagim nga deputeti Oerd Bylykbashi.

Ai tha se padia e depozituar kërkon zgjidhjen e kompetencave midis pushtetit gjyqësor dhe atij legjislativ për imunitetin e deputetëve.

“Kërkojmë që Gjykatë Kushtetuese të interpretojë nenin 73 të Kushtetutës si marrje e kompetencave të Kuvendit nga sistemi i drejtësisë, kjo është një përplasje e fortë e asaj që është kompetencë e Kuvendit. Imuniteti nuk është më kot aty, por për të mbrojtur Parlamentin dhe jo deputetët individualisht nga veprime që në dukje janë persekutim i karakterit politik.”, tha ai./ CNA





Lajmet e fundit nga