web counter
LEXO PA REKLAMA!

SHKARKO APP

App Store
Google Play

Kryemadhi s'i ndahet Ramës për inceneratorët: Ti dhe Veliaj para drejtësisë, s'ka aritmetikë që ju del për zot

14 Dhjetor 2023, 14:51, Politikë CNA
Kryemadhi s'i ndahet Ramës për inceneratorët: Ti dhe Veliaj
Edi Rama dhe Monika Kryemadhi

Deputetja e Partisë së Lirisë, Monika Kryemadhi, i është kundërpërgjigjur kryeministrit Edi Rama sa i përket aferës së inceneratorëve. 

Kryemadhi shprehet se Erion Veliaj dhe Edi Rama do të dalin para drejtësisë dhe nuk ka aritmetikë që u del për zot.

"Edi Rama duhet të dijë se në opozitë ka kohë që 7x7 nuk bëjnë më 42!Kalkolatriçja e kolauduar i ka përllogaritur me preçizion vjedhjet me inceneratorin e Tiranës. Dhe do ta çojë përpara drejtësisë Edi Ramën dhe Erion Veliajn, ashtu siç ka çuar gjysmën e qeverisë dhe drejtorët e bashkisë. Jeni zbuluar me firmat tuaja, e nuk ka aritmetikë që ju del për zot.To be continued", shprehet Kryemadhi në një postim në rrjetet sociale. 

Më herët në një konferencë për shtyp, kreu i qeverisë teksa foli për hetimet e SPAK-ut mbi inceneratorin e Tiranës, tha se nuk është llogaritar. Rama i quajti milionat e eurove që janë marrë nga njerëzit e inceneratorëve kalkolatriçe popullore dhe folklorike që i sheh me skepticizëm.

“E para e punës unë nuk jam llogaritar. Jam kryeministri i Shqipërisë. SPAK është organi i akuzës. Gjykata është ajo që vendos. Përgjithësisht unë edhe pa SPAK fare mundem që këto lojëra me shifra dhe kalkolatriçet popullore t’i shoh me skepticizëm. Nuk është pyetje fare për mua. Në fund ka një gjykatë që vendos në të tria shkallët e saj dhe në fund mund të bëjmë diskutime në fushën teorike çfarë ndodhi. Nuk dua të bëj komente se kam parë çudira që të bëjnë për të qeshur dhe të qarë për këto kalkolatriçe popullore dhe folklorike”, tha Rama./CNA 

 

 





Lajmet e fundit nga