web counter
LEXO PA REKLAMA!

SHKARKO APP

App Store
Google Play

E fundit!

x

Mes kabujve/ Flamur Noka tenton të futet në Kuvend nga dritarja

14 Dhjetor 2023, 10:25, Politikë CNA
Mes kabujve/ Flamur Noka tenton të futet në Kuvend nga dritarja
Flamur Noka

Deputeti i Partisë Demokratike, Flamur Noka, ka tentuar të futet në ambientet e Kuvendit nga një dritare e vogël, në të cilën ka pasur edhe shumë kabuj.

Ndërkohë që një pjesë e deputetëve të opozitës përplaseshin me gardën, Noka u shfaq te një dritare e vogël e Kuvendit në tentativë për t'u futur. 

Mëngjesin e sotëm ka pasur përplasje mes deputetëve të opozitës dhe gardës në hyrje të Kuvendit. Gjithçka nisi pasi garda nuk lejoi që disa nga deputetët e opozitës që janë të përjashtuar të futen në sallë. 

Nuk munguan shtyrjet, përplasjet, fyerjet nga ana e deputetëve të opozitës, të cilët hodhën edhe akuza ndaj qeverisë Rama. 

Ata u shprehën njëzëri se do të futen me çdo kusht në Kuvend, pasi janë zgjedhur nga votat e qytetarëve. 

Theksojmë se të përjashtuar nga seanca e sotme janë deputetët: Ervin Salianji, Lefter Gështenja, Bledion Nallbati, Asllan Dogjani, Isuf Çelaj, Luan Baçi, Xhelal Mziu./CNA

 





Lajmet e fundit nga