web counter
LEXO PA REKLAMA!

SHKARKO APP

App Store
Google Play

E fundit!

x

“Takimi më i veçanti në 32 vite”/ Berisha në Shkodër: Mesazhi im sot është një tjetër

13 Dhjetor 2023, 17:50, Politikë CNA
“Takimi më i veçanti në 32 vite”/ Berisha në
Ish-kryeministri Sali Berisha

Ish-kryeministri Sali Berisha ka zhvilluar një takim në SHkodër me anëtarë, simpatizant të PD-së dhe qytetarë të thjestë.

Ai e hapi fjalën e tij duke pohuar se ky ishte takimi, më i veçanti në 32 vite.

Berisha u shpreh se mesazhi që kishte për Shkodranët sot është tjetër dhe jo ai që ka dhënë gjithmonë.

“Vij sot në këtë takim, më i veçanti në 32 vite, pas takimit të parë që kemi bërë në sheshin “Isa Boletini’. Por, me ju do flas haptas. Pas 32 vitesh, Shkodra ra në duar të pushtuesve. E them këtë me bindjen më të thellë. Në rast se nuk do qe kjo sot, ju garantoj se ne së bashku sonte do diskutonim për defektet dhe të metat e Sali Berishës në fushatë, të Bardh Spahisë, Greta Bardelit dhe përfaqësuesve të tjerë. Sepse me rezultatin e 14 majit, në mënyrë të padiskutueshme kanë peshën e tyre gabimet, qëndrimet, defektet e këtyre që përmenda dhe të tjerëve që janë vetëkuptuar. Por sot, mesazhi im është tjetër. Mesazhi im është tjetër sepse kam ndjekur çdo ditë, dhe ua them pse, fushatën tuaj.”, tha Berisha.

Ai tregoi se ka ndjekur të gjitha proceset në zgjedhjet e fundit elektorale.

“Në një kohë kur të gjitha pollet tregonin se kandidati ynë kuotohej 8 përqind më shumë, 15 përqind më shumë, 3 përqind më shumë, lajmet vinin të sigurta se Edi Rama po bën gjithçka për të përmbysur rezultatin. Dhe ky lajm qarkullonte, dua të jem shumë i hapur me ju, te të gjithë diplomatët e huaj në Tiranë. Dhe unë e ndiqja se çfarë po ndodh dhe ku po ndodh. Ditën e zgjedhjeve, duke e ditur se bandat do ushtrojnë terror mbi qytetin, kam mbajtur gjatë gjithë ditës lidhje me përfaqësuesit tuaj, kam nisur bashkëpunëtorë të mi nga Tirana në Velipojë. Ditën e zgjedhjeve ne e kemi akt civiliteti, e kemi festival lirie, ne nuk dalim me pushkë, nuk dalim me çifte për t’u përleshur me të tjerët.”, u shpreh ai.

Berisha tregoi se si merrte raportet që ditën e zgjedhjeve vende të caktuara ishin nën pushtim të plotë.

“Ditën e zgjedhjeve, përfaqësuesi im nga Tirana, më raporton se Velipoja është në pushtim të plotë. Se bandat e Pëllumb Gjokës, çdo votues që vinte, ia kapnin kokën ia ofronin te veshi, e shoqëronin dhe kur dilte nga qendra, kur tentonin të filmoheshin, reagonin ndaj tyre. Të gjitha këto të organizuara nga qeveria. Mos mendoni se ka banditë të guximshëm, banditët bëhen të guximshëm kur kanë pushteti. Nuk ka më frikacakë se ata. Të njëjtën gjë me bandat e tjera.  Çfarë ndodhi? Autokolonë! Po pse e them pushtim unë? Sepse na është dashur shumë kohë të marrim videot e autokolonës.”, tregoi ai.

Berisha dha dhe një serë argumentesh se në Shkodër u vendos sundimi i partisë së krimit.

“Si u vendos sundimi i partisë së krimit në Shkodër? Ky sundim u vendos së pari duke liruar njerëzit nga burgjet dhe duke aktivizuar të gjitha bandat. Së dyti, u vendos duke hequr nga fleta e votimit, emrin e PD dhe drejtuesit të saj. Së treti, u vendos duke shpërndarë sasi të pakontrolluara parash për të blerë të drejtën e votës dhe për të blerë votën. Së katërti, u vendos duke hequr të drejtën e komisionerëve në gjysmën e qendrave. Së pesti, u vendos duke përdorur patronazhistët dhe aktivistët si polici sekrete terroriste elektorale. Mund të numëroj një seri faktorësh.”, tha Berisha në Shkodër./ CNA





Lajmet e fundit nga