web counter
LEXO PA REKLAMA!

SHKARKO APP

App Store
Google Play

E fundit!

x

Rama në heshtje, asnjë fjalë për "dosjet e nxehta" dhe goditjet e SPAK-ut

12 Dhjetor 2023, 13:49, Politikë CNA
Rama në heshtje, asnjë fjalë për "dosjet e nxehta"
Edi Rama

Asnjë fjalë jo vetëm për aferën e inceneratorëve ku janë arrestuar zyrtarë, por Rama, në heshtje edhe për kërkesën e SPAK, ku kërkohet nga Kuvendi autorizimi "për arrestimin dhe heqjen e lirisë së deputetit Sali Berisha nëpërmjet zëvendësimit të masës së sigurisë”.

Sapo në media u publikua kërkesa e kreut të SPAK-ut, Altin Dumani drejtuar Kuvendit për Berishën, Rama reagoi në rrjetet sociale, por jo për këtë lajm. 

Sikur të mos kishte ndodhur asgjë, Rama përmendi "punën" e Rilindjes në sistemin e shëndetësisë dhe u shpreh se brenda vitit 2024 nis ndërtimi i godinës së re të Qendrës Kombëtare të Urgjencës Mjekësore 2. 

"Një investim i rëndësishëm që do të lehtësojë dhe mbështesë më tej mirëfunksionimin e kësaj qendre Mirënjohje për punën e palodhur që stafi i Urgjencës Mjekësore bën çdo ditë në shërbim të qytetarëve", u shpreh Rama.

Nuk është hera e parë që kryesocialisti bën këtë veprim. Një ditë më parë, ndërkohë që mediat "zienin" për arrestimet për inceneratorët, Rama publikonte shifra turizmi. 

 

Nuk dihet ende se kur do të flasë Rama për këto zhvillime të bujshme pas hetimeve të SPAK.

Shpesh e kemi dëgjuar të thotë që nuk komenton çështjet që janë pjesë e drejtësisë. Pyetja është, po kur akuzohen zyrtarë dhe anëtarë të Partisë Socialiste, a do të ketë një përgjigje nga ana e kreut të qeverisë?/CNA 

Rama në heshtje, asnjë fjalë për "dosjet e nxehta"
Postimi i Ramës në rrjetet sociale

 

 





Lajmet e fundit nga