web counter
LEXO PA REKLAMA!

SHKARKO APP

App Store
Google Play

E fundit!

x

Arrestimet për inceneratorin e Tiranës/ "Plas" lufta brenda PS-së

12 Dhjetor 2023, 10:45, Politikë CNA
Arrestimet për inceneratorin e Tiranës/ "Plas" lufta brenda
Edi Rama dhe Erion Veliaj

Deputetja e Partisë së Lirisë, Monika Kryemadhi, në një konferencë me gazetarët teksa firmosi një shtesë në kallëzimin për inceneratorin e Tiranës, tha se për këtë aferë sot ka një luftë mes grupeve brenda Partisë Socialiste. 

Sipas Kryemadhit, sot sistemi i drejtësisë është komplet nën kontroll qeveritar dhe kemi një garë midis Edi Ramës dhe Erion Veliajt se kush kontrollon drejtësinë. Kjo "luftë" brenda PS-së vjen në një kohë kur kanë nisur arrestimet për aferën e inceneratorëve. 

"Duhet të kuptojmë një gjë. Ne kemi votuar reformën në drejtësi me 140 vota dhe kryetari i Parlamentit të asaj kohe, Ilir Meta, ka qenë hallka kryesore që çoi votimin e kësaj reforme në unanimitet të plotë. Sot sistemi i drejtësisë është komplet nën kontroll qeveritar. Sot kemi garë midis Edi Ramës dhe Erion Veliajt se kush kontrollon drejtësinë. Sot lufta është midis grupeve brenda Partisë Socialiste. Dhe këtë e ndiejnë qytetarët. Kemi një ekonomi informale, që vjen nëpërmjet parave të drogës që nis nga ndërtimet e me radhë. Ne nuk e zbërthejmë dot dhe ju si gazetarë, po SPAK ka mundësinë për ta zbërthyer. Unë nuk do të ndalem. Pavarësisht ka vullnet apo nuk ka vullnet SPAK për inceneratorin e Tiranës. Shkresat aty janë, jam nuk jam unë do të dalë një Monikë tjetër që do ta vazhdojë", u shpreh ajo./CNA

 

 

 





Lajmet e fundit nga