E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

CNA zgjon Lulin për inceneratorët

11 Dhjetor 2023, 11:37, Politikë CNA

Lulzim Basha

Pas artikullit të publikuar nga CNA se Lulzim Basha ka "kyçur" gojën për arrestimet për inceneratorin e Tiranës, duke u pozicionuar në të njëjtim rresht si Edi Rama dhe Erion Veliaj, më në fund është zgjuar Luli.

Edhe pse me 1 ditë vonesë nga shkrimi i CNA-së dhe me 3 ditë vonesë nga lëshimi i urdhër-arresteve nga ana e SPAK-ut, Luli shfaqet "i merakosur dhe i shqetësuar" për çështjen e korrupsionit në Shqipëri.

E sigurisht të gjithën e "ka" me lali Erin dhe zyrtarët e përfshirë të Bashkisë Tiranë, për të cilët kërkon që të hetohen dhe gjykohen për aferën.

Luli kërkon drejtësi dhe këtë e pret nga organet gjyqësore.

Reagimi i plotë:

Partia Demokratike e Shqipërisë vlerëson thellimin e hetimeve nga SPAK, lidhur me rolin e Bashkisë Tiranë në skandalin e Inceneratorëve.

Njëkohësisht opnioni publik pret nxjerrjen e përgjegjësive ligjore të funskionarëve më të lartë të Bashkisë, si Kryetarin dhe Administratorin e Përgjithshëm për këto arsye:

1) Kryetari i Bashkisë Tiranë është angazhuar personalisht me shkrim përmes anekseve të marrëveshjes me Ministrinë e Mjedisit, se merr përgjegjësinë e plotë për detyrimet financiare sipas kontratës për Landifilin e Sharrës, për një shërbim që nuk u ofrua kurrë;

2) Kryetari i Bashkisë Tiranë përfaqëson autoritetin më të lartë ligjor në marrëdhënie më palët e treta, konkretisht kompaninë që nuk e ofroi as edhe një ditë djegien e mbetjeve;

3) Menaxhimi I Mbetjeve Urbane është kompetncë eksluzive e njësive të qeverisjes vendore, konkretisht Bashkisë Tiranë;

4) Administratori I Përgjithshëm është përsoni përgjegjës sipas ligjit për Buxhetin e Shtetit për të ardhurat dhe shpenzimet e institucionit.
Sa më lart, inkurajojmë SPAK dhe GJKKO që të vijojnë dhe thellojnë hetimet jo vetëm për Bashkinë Tiranë, por të gjitha bashkitë që kanë ekzekutuar këtë grabitje të parave të taksave të shqiptarëve.

Partia Demokratike përsërit përpjekjet e institucioneve të drejtësisë për hetim dhe gjykim të paanshëm dhe barazi para ligjit për çdo zyrtar dhe qytetar të Repubklikës së Shqipërisë./CNA