web counter
LEXO PA REKLAMA!

SHKARKO APP

App Store
Google Play

E fundit!

x

Betimi i Belerit/ Rama: “Sikur të kthehet përmbys gjithë Këshilli Europian ne nuk negociojmë”

6 Dhjetor 2023, 22:48, Politikë CNA
Betimi i Belerit/ Rama: “Sikur të kthehet përmbys gjithë
Kryeministri Edi Rama

Kryeministri Edi Rama është treguar i vendosur në lidhje me çështjen e kryebashkiakut të zgjedhur të Himarës Fredi Beleri.

Gjatë një interviste në emisionin Debat në A2Cnn, Rama është shprehur se edhe sikur të kthehet përmbys këshilli Europian nuk negocion kundër ineteresave strategjike të Shqipërisë.

Numri një i qeverisë theksoi se fatin e Belerit do ta vendosë drejtësia dhe jo qeveria.

 “Si bëhet betimi është pyetja? Deri më sot ju keni një vendim të Gjykatës së Lartë të para pak vitesh, e cila ka ngarkuar Gjykatën Speciale të trajtojë këtë çështje. Sepse kërkesa për të bërë betimin u bë te ne. Ne s’kemi asnjë mundësi të vendosim bëhet apo s’bëhet betim. Ne e kemi bërë shumë të qartë. Që sikur të kthehet përmbys gjithë Këshilli Europian ne nuk negociojmë asnjë gjë kundër interesit më të madh strategjik të Shqipërisë, sot, që është zbatimi i Reformës në Drejtësi dhe moscenimi i pavarësisë së institucioneve të drejtësisë. Ca kohë kërkonin këtë, mor nuk e bëjmë dot harrojeni se futemi ne në këtë. Jo bllokim të integrimit. Se nuk është bllokim i integrimit fare se ajo është një proces politik”, deklaroi Rama./ CNA





Lajmet e fundit nga