web counter
LEXO PA REKLAMA!

SHKARKO APP

App Store
Google Play

Rama “nxin” ndërkombëtarët/ E thotë troç: Mos më jepni leksione, nuk i pranoj

6 Dhjetor 2023, 10:34, Politikë CNA

Rama “nxin” ndërkombëtarët/ E thotë troç:

Kryeministri Edi Rama ka sulmuar ndërkombëtarët, gjatë fjalës së tij në konkursin për projektin e Qendrës Multifunksionale dhe Stacioneve të Informimit për Parkun Kombëtar të Vjosës.

Rama deklaroi se ka marrë kritika dhe leksione të shumta nga ndërkombëtarët për mbrojtjen e lumit të fundit të egër në Evropë.

Por kreu i qeverisë e tha hapur se nuk do të pranojë asnjë leksion të ndërkombëtarëve.

Ai theksoi se ata persona që e kanë kritikuar, janë ndotësit dhe shkatërruesit më të mëdhenj të mjedisit në planet.

“Nuk ka asnjë vend në Evropë sot që të ketë një lumë të egër, gjë për të cilën shpeshherë kemi qenë të detyruar t’ua kujtojmë miqve evropianë kur këmbëngulnin se duhet ruajtur lumi i fundit i egër në Evropë. Po, patjetër duhet ruajtur! Por përpara se të na japin ne leksione se si ruhet lumi i egër duhet të kujtohen se të egër kanë qenë edhe lumenjtë e tjetër të Evropës, por ata i kanë zbutur për qëllime që natyrisht që nuk kanë pasur të bëjnë me mbrojtjen e natyrës.

Dhe ne jemi shumë mirënjohës për nxitjen, për inkurajimin, për gjithçka që kemi mundur të mësojmë në një proces që nuk ka qenë i lehtë deri në konfirmimin tonë për ta transformuar Vjosën në një Park Kombëtar.

Nga ana tjetër, ne nuk mund të mos e themi që leksionet morale se si duhet të sillemi me natyrën qeveria jonë nuk i pranon dot, aq më tepër në një botë ku ndotësit më të mëdhenj dhe burimet më të mëdha të rrezikut për mjedisin në kushtet e një sfide globale përballë ndryshimeve klimatike janë në një pjesë të madhe ata që bëjnë edhe moralin më insistues, si dhe ushtrojnë presione të papërballueshme ndaj vendeve të tjera që mund të kenë një mijë e një boshllëqe dhe të meta, por nuk e kanë në kurriz mëkatin e të qenit në klubin e ndotësve dhe shkatërruesve më të mëdhenj të mjedisit në planet”, nënvizoi Rama./ CNA





Lajmet e fundit nga